KL

DK

Aqqaluk Sørensen akornuserujussuartoq

Odder Håndboldip ligamut anngunniarluni ilungersortussaq Aqqaluk Sørensen amigaatigissavaa

Aqqaluk Sørensen seeqqumigut akornusernini pissutigalugu qaammatit qulingiluat arsarsinnaanngilaq.
Odder Håndboldip Aqqaluk Sørensen naggataasumik unamminerni amigaatigissavaa. Assi: Knud Fl. Larsen
Aqqaluk Sørensen seeqqumigut akornusernini pissutigalugu qaammatit qulingiluat arsarsinnaanngilaq. Odder Håndboldip Aqqaluk Sørensen naggataasumik unamminerni amigaatigissavaa. Assi: Knud Fl. Larsen Aqqaluk Sørensen seeqqumigut akornusernini pissutigalugu qaammatit qulingiluat arsarsinnaanngilaq. Odder Håndboldip Aqqaluk Sørensen naggataasumik unamminerni amigaatigissavaa. Assi: Knud Fl. Larsen Aqqaluk Sørensen seeqqumigut akornusernini pissutigalugu qaammatit qulingiluat arsarsinnaanngilaq. Odder Håndboldip Aqqaluk Sørensen naggataasumik unamminerni amigaatigissavaa. Assi: Knud Fl. Larsen
Knud Fl. Larsen

- Akornusernera ajorpoq soorunami tamanna uggornartorujussuuvoq, Aqqaluk Sørensen nikallungaqisoq Sermitsiaq.AG'mut oqarpoq.

- MR scannetippunga, arlaleriarlungalu misissortittareerlunga nalunaarfigineqarpunga korsbåndera 60 - 70 procent kittoraqqasoq meniskeralu akornusersimasoq.

Aqqaluk Sørensen poorskip kingunitsiaa nalunaarfigineqassaaq qaqugu pilatsissanersoq. Korsbåndia ilaarneqassaaq Århusimi pilatsissalluni.

Aqqaluk Sørensenip Odderimi arsartartutut ligamut anngunniuteqataanissani kisiat annaassanngilaa aammali ukiamit ukiup unammiuaarnerup annerpaartaa annaassavaa, Håndboldligami Århus Håndboldi sinnerlugu aallartiffigisassamini.

Aqqaluk Sørensen qaammatip ataatsip missaata matuma siorna, Odder Håndboldimi Ligamut anngunnikunut Ribe-Esbjerg HH' unamminermi annerpoq.

Naak, maannakkut ajoraluaqisoq taamaattoq qaammatit qulingiluat missaanni arsarsinnaananga uninngasariaqarnera akueriinnartariaqarpara pilatsereeruma pitsaanerpaamik aallartisaqqinniarumaarpunga, Aqqaluk Sørensen Sermitsiaq.AG'mut naggasiivoq.

timersoneq nunatsinnit
Powered by Labrador CMS