Skip to main content

- Naanguna akisussaasoq?

Peqqissaasut Kattuffiat aamma Kalaallit Nunaanni nakorsat peqatigiiffiat oqaatigaat peqqinnissaqarfimmi pisortat pillugit perulluliorneq kikkunnulluunniit iluaqqutaaneq ajortoq 

- Kalaallit Nunaanni inuiaqatigiit imaluunniit nunatsinni peqqinnissaqarfik tassanilu sulisut pisoq pillugu sulineq naammaginngilaat. Tamanna kialluunniit akuerisinnaanngilaa.

Peqqissaasut Kattuffiata siulittaasua Inuuti Fleischer aamma Kalaallit Nunaanni nakorsat peqatigiiffiannit Ole Lind ataatsimut tusagassiivinnut allapput. 

- Peqqissaasut Kattuffiata aamma Kalaallit Nunaanni nakorsat peqatigiiffiata ernummatigaat maanna saqitsaassutaalersup kingunipilorisinnaagaa peqqinnissaqarfimmi sulisunit sungiussisimasut pikkorissullu sulisoqaannarnissap innarlerneqarsinnaanera. Tassunga atatillugu Peqqissaasut Kattuffiata aamma Kalaallit Nunaanni nakorsat peqatigiiffiata apeqqutigaat, akisussaasoq sumut pisimanersoq? 

Peqqinnissaqarfimmi aqutsisunit sisamaasunit pingasut sapaammi marsip 25'anni suliaminnit tunuartinneqarput.

- Aqaguani Peqqinnissaqarfiup pisortaqarfiata inuiaqatigiit tupigusoqisut suliaminnit peersitaasut aqqi tusarliutipallappaat. Pisortaqarfimmit nalunaarutigineqarpoq sulisunik tunuarsitsineq naatsorsuuserisut misissuinerannit kinguneqartoq taakkua paasigamikku nakorsaanernut aningaasarsiassanik tunniussigallartarnermut tunngassuteqartut assigisaallu. 

 

Iluamik ilisimaneqanngilaq

- Pisortaqarfimmi pisortaaneq KNR'imut ilisimatitsivoq sapaatip akunnerata ingerlanerani pisoq pillugu tamakkiisumik ilisimasaqalissallutik. Tassa sapaatip akunnerata siuliani. Taamanili inuiaqatigiit tupigusuttut peqqinnissaqarfimmilu sulisut paasitinneqanngillat, pingaartumilli suliamit tunuartitat pisoq pillugu annermik paasitinneqaratik, Inuuti Fleischer aamma Ole Lind tikkuaapput. 

Pisortaqarfimmi pisortaanerup pineqartunut peqqinnissaqarfimmulu sulisunut allanut aammami tusagassiivinnut nalunaarutigaa, sapaatip akunnerata ingerlanerani suliaq naammassineqassasoq, tassa sapaatip akunnerata siuliani. Peqqissaasut Kattuffiat aamma Kalaallit Nunaanni nakorsat peqatigiiffiat aamma tusarlerneqarsimanngillat. 

- Peqqissaasut Kattuffiat pisortaqarfimmut oqarasuaatikkut saaffiginnissuteqarput, soorlu mailinik nassiussisimallutik .Peqqissaasut Kattuffiat ippassaq unnukkut akineqarpoq aatsaat poorskip kingorna pisoq pillugu paasitinneqassallutik. 

 

Toqqissisimannginneq nalornilerlu 
- Inuuti Fleischer aamma Ole Lind aperipput, peqqinnissaqarfimmi sulisut toqqissisimanngitsut nalornisullu qanoq pineqassanersut, sulinermi atugassarititaasut pitsaanngitsumik sunnerneqarmata paasissutissiineq annikippallaartoq aammalu pisumi  ataqqinninnermik ammasumillu ingerlatsisoqannginnera uparuarlugu. 

- Suliamik ilinniagallit peqatigiiffii ilaasortamik pisinnaatitaaffiinik qulakkeerinnittussaapput, ilaatigut sulisitsisuminni piffissaq eqqorlugu aammalu eqqortumik ilisimatinneqarnissaat pillugit, tamannalu tunngavigalugu Peqqissaasut Kattuffiat politikkerinik poorskip kingorna ataatsimeeqateqarnissaq sulissutigaat, peqqissutsimut naalakkersuisoq aamma peqqinnissaqarfiup pisortaqarfianit suliassap pilersaarusiorneqarnissaa pillugu ataatsimeeqatiserineqarlutik, Inuuti Fleischer aamma Ole Lind allapput.

Ilaasortanit sisamanit pingasut
Peqqinnissaqarfimmi aqutsinermik pisortaq Kurt Nielsen, nakorsaaneq Carsten Thordal aamma peqqissaasut ningiuat Lisbeth Lumby Rasmussen sapaammi suliaminnit tunuartitaapput. Nunatsinni peqqinnissaqarfimmi pisortaanerit sisamat ilaat pingasut suliaminnik peersitaapput "aningaasarsiat eqqumiitsut"  pissutigalugit. 

Peqqinnissaqarfiup pisortaqarfianit, Ann Birkekær Kjeldsen, Sermitsiaq.AG'mut oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER