Skip to main content

Aaqqiissoqartariaqarpoq

- Inatsisitigut akulerussinnaanissamut periarfissaq ujartorneqanngippat aaqqiissutigineqanngippallu atorfinitsitseqqusiunnaarnerup aammalu ilinniartitsinerup eqqornerlunneqaqqeratarsinnaanera aammalu akisunerulinnginnissaa qulakkeeqataaffigiumavarpu, Siumup siulittaasua oqarpoq

- IMAK aammalu Pisortat akornanni isumaqatiginninniarnerup ajalasoornerat assorsuaq uggornarpoq, pitsaanerpaajusarmat aammalu toqqissisimanarnerpaammat susassaqartut akornanni pitsaasumik naapeqatigiillutik isumaqatigiissuteqartarnerat.

Taama oqarpoq Siumup siulittaasua Aleqa Hammond.

Erseqqissarpaa naalakkersuinikkut isumaqatiginninniarnernut akulerunnissaq pinngitsoortissallugu sulinissaq pingaaruteqartoq aammalu "naapeqatigiinnissamut eqqissilluni sulisinnaaneq ataqqisassaasoq pingaaruteqarluinnartoq”.

- Isumaqatiginninniarnerilli ingerlariaqqissinnaanngiffianni, atorfinitsitseqqusiunnaarnerup ingerlanerani aammalu piffissap sivitsornerunissaanut periarfissaq avaqqunneqarsinnaajunnaarfiani pisussaavugut tamattaalluta ataatsimoortumik aaqqiissutaasinnaasumik aaliangiinissaq.

- Siumut inuiaqatigiit pitsaasumik atugaqarnissaannut aammalu ingerlanneqarnissaanut akisussaaqataalluinnarpoq inatsisartuniiikkaluarpat kommunerujussuarnikkaluarpalluunniit. Pingaartilluinnarparput suliniarnitsinni inatsisartuni kommunerujussuarnilu ingerlatsinitsinni ataqatigiittumik sulinissaq, soorlu tamanna aamma ersersikkipput KANUKOKA-p Naalakkersuisut inatsisitigut akulerussinnaalernissamut inatsisiliornissaanut suliaqaqqusillutik saaffiginnissuteqarmata, Aleqa Hammondip tikkuarpaa.

Læs "AK: Alle skal respektere forhandlingerne"

Læs "Lovindgreb mod lærerkonflikten"

Suleqatigiinneq
- Naalakkersuisut suliaq ingerlatereerpassuk inatsisartutigoortumik suliaq ingerlaqqippat tamattaalluta suliarissuarput, qulakkeerumallugu illuatungeriinnut iluaqusiisinnaasumik aammalu tamarmik inooqataaffigisinnaasaanik aqqutissiuussissaalluta siunissamut aammalu maannakkut inissisimaffiusumut iluaqusiisussamik.

- Nunatta ataatsimoorluni uani suleqatigiinnissaa paaseqatigiiffiunissaalu pingaaruteqarluinnartuuvoq, aammalu kommunalbestyrelseusut ingerlariaqqinnissaannut tunuliaqutsiilluarnissaq pingaartututut isumaqarfigigatsigu, Siumup siulittaasua oqarpoq.

- Inatsisitigut akulerussinnaanissamut periarfissaq ujartorneqanngippat aaqqiissutigineqanngippallu atorfinitsitseqqusiunnaarnerup aammalu ilinniartitsinerup eqqornerlunneqaqqeratarsinnaanera aammalu akisunerulinnginnissaa qulakkeeqataaffigiumavarput. Siumut qilanaarpoq suleqatiginnilluarnissaminut aammalu ilusilersueqataaffiginninnissaminut naapertuilluartumik aammalu illuatungeriit arlaannaalluunniit salliutinnagu aaqqiissutissamik naammassinneqataanissaminut. 

- Siumut isumaqatiginninniarnerup nalaani oqaaseqarnissani tunuarsimaarfigisimavaa ataqqilluinnarlugu illuatungeriit ajoqusersorneqaratik isummersorsinnaanerat namminnerlu naaperiuteqarsinnaanerat ataqqillugu. Inatsisartutigullu inatsisissap suliarineqarnerani sulilluassaagut pineqartut sanngiinnerulernissaanik aqqutissiuussisoqannginnissaannik kisianni illuatungeriit tamarmik nukittunerulernissaannik aqqutissiuusseqataajumalluta suliniarpugut, Aleqa Hammond oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER