Skip to main content

Anisitaasut assigiinngitsumik pineqartarput

Nuummi inoqutigiit arfineq-marluk inissianut attartukkaminnut akiliisimannginnertik pissutigalugu iniminnit anisitaapput - inisseeqqittarfinnut innersuunneqarlutik. Qeqqata Kommuniani 68'it aqqusinermut anisitaapput - angerlarsimaffeerullutik

Inissianut attartukkanut akiliinngitsoorneq pissutigalugu anisitaasut pineqartarnerat erseqqissumik assigiinngissuteqarpoq. Nuummi anisitaasut inisseeqqittarfinni najugaqalersarput. Qeqqata Kommuniani anisitaasut aqqusinermut anisinneqartarput angerlarsimaffeerutivittarlutik. 

Inissiamut attartukkamut akileeqqusissutit arlaleriarlutik takkuttut akilerneqanngikkaangata akiliisitsiniaasartoq takkuttarpoq - imaluunniit politiit aqqusinermut anisitsiartorlutik takkuttarput. Kalaallit Nunaanni tamanna qaqutigut pineq ajorpoq. Illuatungaanili kingorna inissaaruttut assigiinngitsumik pineqartarput. Assersuutigalugu Nuummi anisitat inisseeqqittarfinnut inissinneqartarput. Qeqqata Kommuniani anisitaasut 68'it ilumoortumik aqqusinermut anisinneqartarput oqquiffissamik iserfissaqaratik. 

Tamanna ineqarnermut, angallannermut attaveqarnermullu naalakkersuisup Jens B. Frederiksenip Olga P. Berthelsenip apeqquteqaataanut akissummi takuneqarsinnaavoq. Apeqqutigineqarpoq anisitaasartut qassiunerat aammalu taakkununnga tunngavilersuutit.

Jens B. Frederiksenip akisinnaanngilaa sooq suliat assigiinngitsumik ingerlanneqarnersut, pissutigalugu suliassaqarfik kommunini aamma A/S Inissiaatileqatigiiffimmi Inimi inissisimammat, taakkua attartornermik inatsimmik atuutsitsisuummata. 

Olga P. Berthelsenip apeqqutaa Jens B. Frederiksenillu akissutai ataani takusinnaavatit.   Olga P. Berthelsenip apeqqutai uingasumik allassimapput.

Inissianik attartortut Nuup avataani anisitaagaangata suut tunngavilersuutaappat aamma sumut qanorlu anisitsinerit ingerlanneqartarpat?

Under hvilke forhold, hvor og hvordan sker udsættelse af lejere uden for Nuuk?
Inissiani attartortunik anisitsinerit Inatsisartut inatsisaat nr. 2 12. maj 2005'imeersoq naapertorlugu ingerlanneqartarpoq. Akiliisitsiniartuusut (Politiit) anisitsinissamik isumaginnittuusarput Kalaallit Nunaanni inatsisit naapertorlugit. 

Assersuutitut oqaatigineqarpoq Qeqqata Kommuneani attartortut 68'it anisitaasut, taakkua inissinneqaqqinnissaannik neqeroorfigineqarpat imaluunniit angerlarsimaffeqanngivissutut maanna inuuppat? Apeqqut taanna Qaasuitsup kommuniani anisitaasunut 18'inut, Kommune Kujallermi 33'inut aammalu Kommuneqarfik Sermersuumi arfinilinnut atuuppoq.

Inuit ataasiakkaat pillugit suliat A/S Inissiaatileqatigiiffik INImi aamma kommuninit kisimi pigineqarput. 
 

Assersuutitut apeqqutigerusunnarpoq aamma sooq Qeqqata Kommuneani anisitsinerit 68'it ingerlanneqartut inisseeqqiffissamik pisariaqartitsisoqannginnersoq? Illuatungaani Nuummi anisitaasut arfineq-marluk inisseqqinneqarallarnissaannik tamaani pisariaqartitsisoqartoq?

Tamanna kommunit namminneq aamma A/S Inissiaatileqatigiiffik INImit nalilerneqartarpoq, sumiiffimmi inisseeqqiffissanik pilersitsisoqassanersoq allatulluunniit inisseeqqikkallarnissaq anguniarneqarsinnaanersoq.
 

Angerlarsimaffeqanngitsut qassiuppat aamma qanoq ikiorniarneqassappat?

Ilaqutariinnermut, kultureqarnermut, ilageeqarnermut naligiissitaanermullu naalakkersuisoqarfik SBi isumaqatigiissuteqarfigaa 2012'ip ingerlanerani nuna tamakkerlugu misissuisitsinermik ingerlatsinissamut.  Misissuinermi nunatsinni angerlarsimaffeqanngitsuuneq tamakkiisumik paasiniarneqassaaq. Taanna tunngavigalugu nunatsinni ajornartorsiutip qanoq angitiginera misissorneqassalluni. Taassumali aallaavigissavaa iluarsartuussinissani sutigut tamatigut taamaattoqartartoq - nalilersuineq. Misissuinermi immikkoortualuit tamarmik susassaqartut peqatigalugit, tassaasut  namminersorlutik oqartussat, inissiaatileqatigiiffiit, kommunit soqutigisaqartullu misissuinermik suleqataatinniarneqassapput. Ilisimatusarfik misissuinissami suleqataatinniarneqarportaaq. Taamaaliornissami aallaqqaamut ilisimasat assigiinngitsut katersornissaat qulakkeerneqassaaq, kingorna anisitaasarneq pillugu ilisimalikkat universitetimi atorniarneqassallutik. Misissuisitsinissaq nalunaarusiamik naammassineqassaaq kingusinnerpaamik decembarimi 2012. 

2010'mi aamma 2011'mi sineriammi inoqutigiit 283'it anisinneqarput, taakkunannga qassit kisermaajuppat anisitaasullu qassit ilaqutariiuppat?

Ineqarnermut pisortaqarfip tamakku paasissutissaatiginngilai A/S Inissiaatileqatigiiffik INImi suliaq ingerlanneqartarmat.
 

Anisitaasut inissiamut attartukkamut akissaqaraluarlutik immaqa inuttut ajornartorsiuteqarnertik pissutigalugu akiliinngitsoortartut inunnik isumaginnittoqarfimmit qanoq ikiorniarneqartarpat?

Inuit inunnit isumaginnittoqarfimmit ikiorsiissutinik pisartut tassa suliffissaaleqisut, siusinaartumik utoqqalinersiutillit utoqqalinersiutillilluunniit inatsisit naapertorlugit inunnit isumaginnittoqarfinniit isumagineqartarput. Inuit pisortanit ikiorsiissutinik pineq ajortut ajornartorsiortulli ataasiakkaarlugit naliliiffigineqartarput pissaaleqinikkut akiligassamilluunniit ataasiartamik pisortanit ikiorsertariaqarnersut . 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER