Skip to main content

Kalaallit Nunaat Kina'mut piareersartariaqarpoq

Kalaallit Nunaata Kinap kisermaassilluni aatsitassanik qaqutigoortunik tuniniaasuunera unitsissinnaavaa. Kinap politikkikkut soqutigisani illersorniarlugit nunatsinnik tatisisinnaavoq,Damien Degeorges franski nunatsinnik ilisimatusartoq isumaqarpoq 

Nunat pissaanilissuit Kalaallit Nunaata qaqutigoortunik aatsitassaqarnera ukkataraat.

Nunatta naqqani aatsitassat qaqutigoortut, kuultit, rubinit aamma safirit  annertoorujussuarmik nassaassaasut nunarput Kalaallit Nunaat pisoorsuanngortikkiartuaarpaa, tamatumali ilutigisaatigut nunat pissaanilissuit pingaatumik Kinamit tatisimaneqalersinnaalluni. Taamaattumik nuna annermik Danmarkimik, EU'mik Natomillu suleqateqarnerusariaqarpoq, aatsitassanik aqutsineq annaajumanagu taamalu namminneq pisuussutissagaluaminnik qatangiinnartitsinatik. 

Taama isumaqarpoq Damien Degeorges, taassuma ph.d.-mik allaaserisani naammasseqqammerpaa, Kalaallit nunaata Issittumi inissisimanera nunatsinnilu naalagaaffiup pinngornera allaaseraa, Ingeniøren ullumi allappoq. 

- Kalaallit Nunaata mianersuutigisariaqarpaa Issittumut aqqutissatut ajornanngitsutut inissinnissi, Norgep aamma Canadap ineriartornermik aqutsisinnaaneq takuteriigaannut sanilliulluni, Damien Degeorges oqarpoq. Taanna franskit institutsianni siunnerfilinnik ilisimatusarnermik ingerlatsivimmi IRSEM'imi ilisimatuutut atorfeqarpoq aamma ilisimatusartut attaveqaqatigiiffianni China-Secimi ilaasortaalluni. Attaveqaqatigiit Kinap issittumi soqutigisaannik suliaqarput. 

Aatsitassat qaqutigoortut siunissamut aalajangiisuupput
Aatsitassat qaqutigoortut siunissami uuliamik ikummateqarnerup atorunnaarsikkiartuaarneranut pinngitsoorneqarsinnaanngillat, saffiugassat katillutik 17'iusut ilaatigut anorisaassuarni, biilini uuliatortuunngitsuni, qullerni atuinikitsuni umeruarsuarnillu sanaartornermi atorneqartarmata.

Ajornartorsiulli unaavoq nunat allat aatsitassarsiornermi aningaasaleeqataasut nuna aningaasarliortillugu sukannisaarsinnaanerat, Kalaallit Nunaat akiuunnissaminut politikkikkut nukissaqangaanngilaq:

- Nuna 57.000'inik innuttaasulik, inunnik 44'nik politikkikkut qaffasissumik inissisimasulik taakkunannga naalakkersuisut, qinikkat aamma ilaallutik borgmesterit, nukilaappoq. Inuit 25't illersortissatut pisariaqarput. Inunnut suleqatissarsiornermik ingerlatsinermik sungiusimasalinnut suliassaq ajornanngitsoq, Damien Degeorges Ingeniøren'imut oqarpoq.

Taassuma innersuussutigaa Kalaallit Nunaata danskit naalagaaffianniiginnarnissaa:

- Soorunami Kalaallit Nunaata kigaatsumik namminersortunngorniarnissani soqutigaa pereersut qiviartarlugit siunissamik aqutsisinnaaneq takutissallugu soqutigalugu, Damien Degeorges oqarpoq, tamatuma saniatigut innersuussutigalugu EU'p Kalaallit Nunaata aningaasaqarneranut qularnaarusiinissaa. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER