Skip to main content

GA: Jens B. ingasaasilaalaarpoq

Jens B. Frederiksenip sinerissami sanaartornerni akit pillugit tunngavilersuutai naapertuutinngillat, GA’p pisortaa isumaqarpoq kanngunartuliortoqartoq 

 

- Kalaallit Nunaanni Sulisitsisut Kattuffiani GA’mi Qaqortumi, Sisimiuni Ilulissanilu illoqarfinni illuliassat utaqqisaasut sananeqarlutik aallartinnissaat ajoriffissaqartinngilarput. Sanaartortoqalernissaanulli aqqut tulluussimaarutiginngilarput.

GA’p pisortaanera Henrik Leth oqarpoq.

Ineqarnermut naalakkersuisoq Jens B. Frederiksen ippassaq nittartakkami maani aallaaserisami Henrik Leth, naapertorlugu oqarpoq, anguniakkaminik ilungersuutiginninnermigut illoqarfinni illuliassat kvadratmeterimut akii appartingaatsiarlugit.

- Akerlerineqarsinnaanngilaq siorna aasakkut suliarinnittussarsiuussinermit akit appasinnerunerat, aamma oqaatigineqartariaqarpoq sanaartugassatut pilersaarutit assigiinngitsut marluk Jens B. Frederiksenip assersuutigimmagit. Nipaatsumik oqartariaqarpugut ingasaasilaalaartoq, Henrik Leth oqarpoq.

- Sanaartugassanut pilersaarutit allanngortiternikooqaat, ilaatigut betonimut aningaasartuutit apparujussuarnerinut ilaatigut kinguneqartussamik. Tamatuma saniatigut Jens B. Frederiksenip akit assigiinngitsut marluk tunngavissarluttumik assersuussiorpai.

Sanaartornissamut aqqut tulluussimaarutissanngitsoq
Jens B. Frederiksenip suliarinnittussarsiuussinerni atorunnaarsitamini, suliarinnittussarsiuussinerni periutsinik allanngortitsinermini ilaallu ilanngullugit nammineq pisuussutigisaminik aningaasartuutaasut ilanngukkaluarunigit, annikillisaanerit sanaartugassat allanngortiternerinut soorunami ilaasussanik ilanngarlugit, taava assersuussinini naapertuutinngitsoq paasissavaa. Tamannali saqqummersikkunanngilaa, Henrik Leth tikkuaavoq.

- Sanaartornissamut aqqut manna tikillugu uagutsinnut tulluussimaarutissaanngilaq. Suliarinnittussarsiuussinerit marluk taamaatiinnarneqarput naggataatigut allamut tunniutiinnarneqarluni. Suliamik taama uagut ingerlatsisuuguttta tanngassimaarutiginavianngikkaluarparput.

Illuatungaatigut neriuppugut naalakkersuisut sanasitsisutut suliaq ilinniarfigisimassagaat, siunissami neqeroorutit erseqqinngitsut aammalu sulisitsisut piffissaannik kiisalu inissat kinguaattoornerinik nassataqannginniassammata, Henrik Lethip oqariartuutigaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER