Skip to main content

Inip utaqqiisaasumik pisortartaava

Aningaasaqarnermut pisortaq Jukku Mølgaard utaqqiisaasumik pisortaaninngorpoq - Jette Larsen siulittaasup tulliatut inissittoq

A/S Inissiaatileqatigiiffik Inimi siulersuisunngortut aningaasaqarnermut pisortaq Jukku Mølgaard utaqqiisaagallartumik aqutsisutut pisortaanerugallassasoq

A/S Inissiaatileqatigiiffik INI-mi siulersuisunut qinigaaqqammersut ippassaq ivertiterlutik ataatsimiipput. Siulersuisut tamarmiullutik aqutsisutut pisortaaneq Jette Larsen Arctic Umiaq Linemi pisortaaneq siulittaasup tulliatut qinerpaat. 

Ilutigitillugu siulersuisut inissiaatileqatigiiffimmi aqutsisutut pisortaanermik nutaamik atorfinitsitinissamut suliassamik aallarniisussamik isumaginnittussamillu ataatsimiititaliamik pilersitsipput. 

Siulersuisuni atorfinitsitinissamut ataatsimiititaliap inuttarai siulittaasoq Lissi Olsen, siulittaasup tullia Jette Larsen aammalu aningaasaqarnermut pisortaq Jukku Mølgaard. 

- Inuttassarsiuussineq inuttassarsiuussisarfik siulittaasup toqqagassanngugaa aqqutigalugu pissaaq, suliassap piaartumik aallartinnissaa taamaalilluni pissammat, Ini ilisimatitsivoq.

Siulersuisut ileqquusumik ataatsimiinnissaat siulleq maajip 16. aamma 17. 2012 Sisimiuni ingerlanneqassaaq, tassani siulittaasup maaniinnini aamma iluatsillugu qullersaqarfimmi sulisut oqalugiarfigissallugit. 


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER