Imak: Tujorminaq akuersaarneqarsinnaananilu
Sivso Dorphip paasisinnaanngilaa sooq Kanukokap siulittaasua ilinniartitsisut aaqqiagiinnginnerannut ingerlasumut oqaaseqarnersoq - isumaqatigiinniarnerup nalaani siulittaasoq oqaaseqartussaatitaanngitsoq oqaaseqarpoq
- Ullumi ullup qeqqanut radioaviiseqarnerani tupigusuutigeqisannik Kanukokap (Martha Abelsen, aaqq.) siulittaasuata saqqummiuppaa, isumaqatigiissitsiniartoqaraluarnerani sulisitsisut arlaleriarlutik annerusumik neqerooruteqartarsimagaluartut.
- Pingaarnertut isumaqatigiissupput atuuttoq malillugu kiisalu ataatsimoorussamik tusagassiutinut nalunaaruteqarnitsigut erseqqissaatigisatsitut isumaqatigiissutaavoq, sulisoq (IMAK) kiisalu sulisitsisoq (Namminersorlutik Oqartussat/Kanukokap) isumaqatigiisitsiniarnermi isummat, siunnersuutit allallu saqqummiunneqarsimasut nipangersimaffigisussaagaat.
Nipi taama tutsiuppoq Imak'ip siulittaasuanit - Sivso Dorph.
Kanukokap siulittaasuata saqqummiussai akuersaarneqarsinnaanngilluinnarput isumaqatigiissutaareersimasunullu unioqqutitsinerullutik, nunatsinnilu innuttaasunik sunniiniarnertut isigineqartariaqarlutik, pisimasut eqqortut saqqummiunneqarnissaat periarfissaqartinnagu.
Imakip soorunami isumaqatigiissutit ataatsimoorussamillu nalunaarutit atuuttut eqquutsinniarpai, taamaattumillu akisinnaanani oqaluttuaralugulu, sooq Kanukokap siulittaasuata saqqummiussai eqqortuunnginnersut.
Ajuusaarnartuutippara Kanukokap siulittaasuata ataatsimoorussamik isumaqatigiissutivut ataqqinngimmagit, tamanna tujorminaqaaq akuersaarneqarsinnaananilu.