Skip to main content

- Aatsitassarsiornermi aningaasaateqarfik iluarsartuullugu

- Aatsitassarsiornermi aningaasaateqarfik pillugu inatsisip iluarsineqarnissaanut siunnersuuteqarneq isumatusaarluarneruvoq, Ove Karl Berthelsen Demokraatinut erseqqissaavoq

- Aatsitassarsiornermi aningaasaateqarfik pillugu inatsisip qaqugu atuutilerfissaanut tunngatillugu aningaasaanut killissaliussat 5-imiit 75 mio. koruuninut qaffanneqarnissaat Naalakkersuisut siunnersuutigimmassuk eqqarsarnartoqartoq Demokraatit saqqummiuppaat

- Aningaasaateqarfiup killissarititaanik qaffaanerup nassatarissavaa Danmarkimit tapiissutit milliartulerpata ernianik tigusinnaasat annikitsuaraannaanerat. 

Taama Anda Uldum Demokraatit politikkikkut oqaaseqartartut ataasinngornermi nittartakkamut maannga oqarpoq.

Demokraatit eqqissisimasariaqarput inuussutissarsiornermut aatsitassanullu naalakkersuisoq Ove Karl Berthlsen, IA erseqqissaavoq.

 

Isumatusaarneruna
Aatsitassanut inatsit atuutilerpat aningaasaateqarfimmiittussat 5'imiit 75 million koruuninut qaffanneqarnissaanik naalakkersuisooqatimnnit eqqarsarnartoqarneragaanerat isiginiarpaa. 

- Paarlattuanik siunnersuut isumatusaarluarnermik aallaaveqartoq pineqarpoq. 2008-imi aatsitassarsiornermi aningaasaateqarfik akuersissutigineqarmalli ilikkarsimavarput, aatsitassarsiorfiit mikisut, soorlu kuultisiorfik aamma olivinisiorfik, nunami maani aningaasartuutit annertuallaartarneri pissutigalugu ingerlaannarnissaat ajornakusoortartoq. Ingerlatseqatigiiffinnut akileraarutit imaluunniit royalties ukiumut 5, 10 imaluunniit 30 mio. koruuniunerat isumaqartariaqanngilat aatsitassarsiorfinni tunisassiorneq ataavartumik ingerlasussanngortoq.

Misilittakkat takutippaat aatsitassarsiorfiit mikisut sukkasuumik matusinnaasartut, aammalu akileraarutitigut imaluunniit royalty-nit isertitat seqernup tarrinneratuulli sukkatigisumik isertitassaajunnaartartut, Ove Karl Berthelsen tikkuaavoq.

- Aatsitassarsiornermi aningaasaateqarfik siusippallaamik aallartitissagutsigu, aningaasaateqarfimmi pisortaasunut allaffissornermullu sukkasoorujussuarmik aalajangersimasunik aningaasartuuteqartussanngorsinnaavugut, kisiannili isertitassaarussinnaalluta.

Taamaattumik killiliussaq 75 million koruuniuvoq
Killissaliussaq 75 mio. koruuniusoq killissaliussamut Namminersorneq pillugu inatsisimmi atuutsinneqalersumut naapertuuppoq. Namminersorneq pillugu inatsimmi aalajangersakkap kingunerisaanik, naalagaaffiup Namminersorlutik Oqartussanut ataatsimoortumik tapiissutaat, aatsaat ingerlatseqatigiiffinnut akileraarutit aamma royalties il.il. ukiumut 75 mio. koruuninit amerlanerulerpata annikillineqartussaapput. 

Naalakkersuisut naliliipput, isertitat aningaasartanit taakkunannga amerlanerulerpata aatsitassarsiornermik suliaqarneq pimoorussamik aallartissasoq annertunerujussuarmik qularnarunnaassasoq. Aammalu aningaasaateqarfiup iluanaarutaasa ajornanngitsuaqqamik aningaasaateqarfiup aningaasartuutai akilersinnaalissavai.

Ove Karl Berthelsen ersseqqissatigaa, ”Peqatigisaanik erseqqissassavara isertitat 75 mio. koruuninit annikinnerusut ingerlatsinermut aningaasartuutinut annertunerulersunut atorniannginnatsigu. Isertitat ileqqaarneqassapput imaluunniit siunissami aningaasaqarnikkut attassisinnaanermik tapersiisussamik, ataasiartumik aningaasaliissutitut atorneqassallutik.", Ove Karl Berthelsen oqarpoq.

- Siunnersuutikkut aningaasat pisariaqanngitsunut atornissaat pallersimaarneqassaaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER