Skip to main content

Siumut Royal Greenlandimi pissutsit akuerinngilai

- Royal Greenland-ip ipititsiniaanera akuerineqarsinnaanngilaq, Siumup siulittaasuata tullia oqarpoq taassuma sumiiffinni tamaginni suliffeqarfissuup kisermaassisussaatitaanera atorunnaarsikkumavaa 

- Royal Greenlandip Ilulissani unammillertiminut Halibut Greenlandimut ingasattajaarluni ipititsiniaanera isiginngitsuusaaginnarneqarsinnaajunnaarluni akuliuffigineqartariaqarpoq

Siumumi siulittaasup tullia Karl Lyberth, allappoq.

Taama qisuariarpoq Halibut Greenlandip pisortaanera, Niels Thomsen Royal Greenlandimut unammillernermik ajornartorsiummik saqqummiussereersoq.

Taassuma ilaatigut oqaatigaa Halibut Greenland akinik qaffaagaangat Royal Greenlandip Qeqertarsuup tunuani akigititaminik qaffaasartoq.  

Karl Lyberth oqarpoq, Siumut ilisimatinneqartoq Ilulissani Royal Greenlandip qalerallit kiilumut 25 kr-lersulersimagai paasitinneqarpugut. 

Tamannalu allamik siunertaqanngilaq RG unammillertiminut Halibut Greenland-imut tunisisartunik nungutitsiniaanermik. Royal Greenland-ip nunatta karsianik tunuliaqutaqarnini atornerlullugu aalisakkerivinnik allanik ingasattajaarluni unammillernera akuerineqarsinnaanngilluinnartutut taasariaqarpoq, Karl Lyberth tikkuaavoq. 

Taamaattumik akuerineqarsinnaanngilaq 
- Akuerineqarsinnaanngilluinnarneranut ilaatigut aamma patsisaavoq RG-p ipititsiniaanini iluatsippagu suliffiit amerlasuut annaaneqarnissaat, taassumalu saniatigut qularnanngilluinnartumik qalerallit akii samungarsuaq appartinneqaqqissapput aalisartunut annertuumik annaasaqaataasumik.

- Iluliarmiummi eqqaamalluassavaat Royal Greenland Ilulissani kisermaassigallarmat, Halibut Greenland pilersinneqanngikkallarmat, qalerallit akii qanoq appasitsigisimaneri. Halibut Greenland-ip pilersinneqarnerata kingornatigut qalerallit akii qangamut sanilliullugit maannakkut allaat pingasoriaatit sinnerlugit qaffassimapput.

- Aalisakkerivitsigut nutaaliortitsiuarnissaq qulakkiissagutsigu, naligiimmik unammeqatigiinnissaq qulakkiissagutsigu, aalisartut akinik eqqornerusunik pissarsisarnissaat qulakkiissagutsigu suliffeqarfissuup Royal Greenland-ip nunatta karsianiit isumalluuteqarnera peerluinnartariaqarpoq. Taamatuttaaq piffinni tamani kisermaassilluni ingerlatsinerit atorunnarsilluinnartariaqarlutik, Karl Lyberth tunngavilersuivoq, aamma isumaqarpoq Royal Greenland namminersortunut tunineqartariaqarpoq, kisermaassillunilu ingerlatsinera piffinni tamani atorunnaarsittariaqarluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER