Skip to main content

Royal Greenlandimi sulinermut pissutsit ajorput

Kristian Jeremiassen, Siumut isumaqarpoq, naalakkersuisut Royal Greenlandimi sulisunik ikiuuttariaqartut

  • Qasigiannguani Royal Greenland A/S-ip siunissami tunisassiorfiata tunisassianik amingaateqaleqqinnginnissaanut Naalakkersuisut qanoq ittumik suliniuteqarniarpat?
  • Royal Greenland A/S-imi sulisartut inuppalaarnerusumik pineqartalernissaanik Naalakkersuisut suliniuteqalersaarpat?

Inatsisartunut Siumut sinnerlugu ilaasortaq Kristian Jeremiassen 37-ikkut apeqqutaat taama nipeqarput.

Apeqquteqaatini ima tunngavilersorlugit:

 

Royal Greenland A/S-ip ilisimatippaanga maannakkut Qasigiannguani tunisassiorfiup suliassaarunnerata kingorna sulisartut 140-it missaaniittut angerlartiinnarneqartut.

- Qaasuitsup Kommunea-nut isumaginninnikkut aningaasartuutit annertuseriarnerannik kinguneqassaaq ilaqutariippassuillu aningaasarsiornikkut eqqorneqarlutik.

- Taamaammat innuttaasut suliffissaaruttut siunissami taamatut inisseqqinnginnissaat anguniarlugu inuiaqatigiit pigisaat Royal Greenland A/S siunissami tunisassiassanik amingaateqaqqilinnginnissaanut Naalakkersuisut qanoq ittumik suliniuteqarniarnersut paaseusuppara.

- Siornatigut Naalakkersuisut ilisimatippaannga apeqquteqaateqarnikkut aalisakkat suliarinagit 15.000 tons-it annissuunneqaannartartut nunattalu avataani taamaalilluni suliassaqartitsisut, maanna Qasigiannguani suliffissuarmi sulisartut angerlartiinnarneqarput sikunerata kingunerisaanik, isumaqarpungalu siunissami tamanna pinngittoorniarlugu Naalakkersuisut suliniuteqartariaqartut inuiaqatigiimmi pingimmassuk Royal Greenland A/S-i.

Jeremiassen; Inuppalaarnerusumik

- Qalerallit annissuunneqartartut suliarineqaratik amerlasuujupput, Qasigiannguanilu suliffissuaq qerititsiveqarpoq angisoorsuarmik toqqorsiffiusinnaasumik taamaammat qerititsivik angisooq atorluarlugu qaleralinnik suliarineqarnatik annissuunneqaannartunik immerneqarsinnaavoq.

- Apeqqutinginiarparalu Naalakkersuisut suliniuteqalersaarnersut Royal Greenland A/S-imi sulisartut inuppalaarnerusumik pineqartalernissaat pillugu suliniuteqarniarnersut? Sulisartummi imatut pineqartarput suliassaarunerup kinguneranik angerlartiinnarneqartarlutik annikittumik pikkorissartiinnanngikkunikkit.

- Isumaqarpunga inuppalaartumik pinninnerunngittoq ataqqinninnerunngittorlu Royal Greeland A/S-ip sulisuni angerlartiinnartarmagit suliassaarunnermi, suliassaqalernermilu aggertitsisarluni soorunami sulisussanik amingaateqartarpoq sulisut atorfissaarutsikkaangamigit angerlartiinnartarlugit, Kristian Jeremiassen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER