Dinosaurit Nunatsinnit Mønimut
Nunarsuarmi dinosaurit siulliit saarngisa ilai Tunumi qaqqat inunnit tikinneqajuitsut akornanniittut, aasamut inuit saarngi marluk ilanngullugit Møniliaanneqassapput
Kalaallit Nunaata Danmarkilu aasamut namminneq dinosauriutitik takusinnaalissavaat ujarassiuut qulit Tunumi Jameson Landimi saarngit ujaranngornikut aappatigit.
Maannamut ujarassiuut ilisimalereerpaat Plateosaurerit saarngi ujaranngornikuusut, naalagaaffeqatigiinni meeqqat atuarfiannik ikiorteqarlutik katitissavaat saanillu amigaataasut aappaagu ukiup ingerlanerani ilaarlugit suliarineqassasut.
Uumasorsuit saarngi 1991imili nassaarineqarput taamanili qimaannarneqarlutik assannissaannut assartornissaannullu suliassaq angivallaarmat.
Maannali Geocenter Møns Klint aningaasaateqarfinnit arlalinnit taperneqarnermigut dinosaurit saarngi aasinnaanngorpaat uumasullu saarngi katiterpata nikuiseqqinneqassasut, Jyllands-Posten allappoq.
Angalaqatigiittussat videokonferencemik atortussanik peqarput, Geocenter Møns Klintimut takusaasut ujarassiuut saanernik qaqqamit piiaallutik sulinerannik malinnaasinnaallutik. Aappaattullu saarngit ilaat inersuarmut katiterneqassaapput qullilersorlugit, isiginnaartunut piviusuusaartumik uumasoq ukiut 210 million miss. qaangiuttoq isiginnaarneqarsinnaanngorsillugu - tatsimi kissartumik imilimmi.
Plateosaurerit ukiuni millionini tallimani nunarsuarmi uumasuupput dinosaurillu siullersaat ilagalugit.
Plateosaurerit Danmarkip naalagaaffiani inuupput. Tunumi ajoratik uumalluarlutik taakkunannga tumit saanillu Sverigemi Tysklandillu kujasissuani allarpassuarnilu nassaarineqartarsimapput Jyllandimi qeqertaaqqanilu uumasuusimallutik, Jyllands-Posten allappoq.