Skip to main content

Peqqinnissamut ministerit kasersuupput

Avannaamioqatigiit killiit peqqinnissamut ministeriisa ataatsimiinneranni siullermi paarlaasseqatigiinneq suleqatigiinnerlu pitsanngorsarneqassapput

Marsip 24anniit 26anut Nuummi Avannaamioqatigiit killiit peqqinnissamut ministeriisa ataatsimiinnerat ingerlanneqarpoq. 

Ataatsimiinnermut siunertaasoq tassa nunat avannaamioqatigiit killiit peqqissutsimut tunngasutigut suleqatigiinnerinik ineriartortitsillunilu piginnaanertussusaanissaq.

Peqqissutsimut Naalakkersuisoq Agathe Fontain ataatsimiinnermi qaaqqusisuuvoq, tassanilu Savalimmiuniit Islandimiillu aallartitat, savalimmiormiut Peqqissutsimut ministeriat islandimiullu Atugarissaarnermut ministeriat Guðbjartur Hannesson  peqataassapput.

- Islandimiit Savalimmiuniillu ministereqatinnik misilittakkatigut paarlaasseqateqarnissara qilanaareqaara. Oqallisigisassagut makkuussapput, tassa qanoq ataatsimoorluta unammillernartut pitsaanerusumik piareersimaffigisinnaanerigut, kiisalu sunut tunngasutigut, suleqatigiinnigut iluaqutigineroqqullugit aaqqissuussisinnaanersugut, Agathe Fontain oqarpoq.

Ataatsimiinneq pingasunut agguarsimavoq makkuninnga sammisaqartitsiviulluni: Atugarissaarneq, Nunanik allanik suleqateqarnerit kiisalu Innuttaasut katitigaanerat.

- Nunat Avannaamioqatigiit killiit peqqissutsimut tunngasutigut assigiiaartunik unammisassaqarput, soorunalumi peqqissutsimut tunngasut iluini tamatta immikkut misilittakkatigut uagutsinnut iluaqusersinnaavugut, Agathe Fontain allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER