Arina Arctica qujanaq tamanut
Arina Arctica ukiut 28-t Nunatsinni angalareerluni unippoq. "Irena Arcticami" umiartortut allat qujaniarlutik qummoroortartunik aallartitsipput
Suut tamarmik killeqarput.
Marlunngormat ualikkut Arina Arctica Nuup umiarsualivianiit kingullerpaamik aallarpoq Aalborgimut ingerlaarluni. Umiarsuup aalajaalluni nunatta imartaani kiffartuussilluarsimavoq maannakkullu Danmarkimut aallarpoq uninngagallassalluni.
Arina Arctic Nunatsinni angalalluni ukiut 28-t matuma siorna aallartippoq Nunarpullu tamaviat angallavigisimavaa.
Arina Arctica marlunngormat nalunaaqutaq 16.30 Nuummiit aallarpoq suleqativullu Irena Arcticamiittut qummoroortartorput, ukiorpassuarnut qaangiuttunut qujaniarlutik aamma suleqatitik Atlantikorsuakkut ikaarluarnissaannik kissaanniarlugit.
Umiarsuaq Ørskov Stålskibsværftimi 1984-imi sananeqarpoq. Ukiut siulliit amerlasuut umiarsuaq usinik nalinginnaasunik assartuutitut atorneqarpoq, Arina Arcticali 1993-imi containerersuutitut suliareqqinneqarpoq.
Maannakkut suli ilisimaneqanngilaq Arina Arcticap siunissami qanoq pineqarnissaa.