Skip to main content

Taamaattumik Siumut nittarsaasseqqusaanngilaq

- Maannakkut naalakkersuisuusut aalajangigarinngilaat partiit TV-kkut nittarsaassisinnaannginnerat, Mimi Karlsen oqarpoq

- Erseqqissaassutigineqassaaq partiip aalajangersimasup TV-kkut nittarsaassisinnaannginneranut maanna Naalakkersuisuusut attuumassuteqanngimmata.

Taama oqarpoq Ilaqutariinnermut, Kulturimut, Ilageeqarnermut Naligiisitaanermullu Naalakkersuisoq Mimi Karlsen. 

Siumup siulittaasuata Aleqa Hammondip ippassaq tupigusuutigeqaa Siumut pingasunngornermi unnukkut Nuummi kulturip illorsuani aatsitassat pillugit innuttaasunik ataatsimiititsinissaat KNR'ikkut nittarsaanneqaqqusaanngimmat. 

- Oqallisigineqartumut tunngatillugu innersuussutigineqassaaq Radiukkut TV-kkullu aallakaatitsisinnaaneq pillugu Inatsisartut peqqussutaat nr. 6, 14. november 2004-meersumi § 52, imm. 2. Tassani allassimavoq ”upperisarsiornermik suliaqartut aamma politikkikkut partiit, kattusseqatigiit, kattuffiit kisimiillutillu qinigassanngortittut tv-kkut pilerisaarutinut ilanngunneqaqqusaanngillat, Mimi Karlsen nassuiaavoq.

Atuaruk "Siumut oqaaseqaqqusaanngitsutut misigisimavoq"

- Taamani Inatsisartuusut Naalakkersuisuusullu aalangerput siunnerusukkut atuuttumi Inatsisartut peqqussutaanni aalajangersagaq ingerlatiinnarneqassasoq taamaasilluni politikkikkut partiit TV-kut pilerisaarisinnaanerat inerteqqutaaginnarluni.  

- Tamanna aamma erserpoq Radiumi Tv-milu pilerisaarutit aallakaatitassianillu aningaasalersuisarnerit pillugit Namminersorlutik Oqartussat nalunaarutaanni nr. 8-mi, 5. juli 2006-meersumi, Mimi Karlsen tikkuaavoq.

- Pisussamut aalajangersimasumut ersarissumik atimik ilisarnaammillu ilalimmik partiimik aalajangersimasumik aaqqissuunneqartumut pilerisaarineq tassaavoq partiimut aalajangersimasumut nittarsaassineq, Mimi Karlsen naqissusiivoq.

Siumut: Skiltereklamit sunniiniarnerunngillat

Taamali nassuiaaneq Aleqa Hammondip apeqquserujussuarpaa, ippassaq ilaatigut oqaatigaa, Isumaqarlutik partiimut ilaasortanngoqqusinerunngimmat aammalu partiip anguniagaannut aaliangersimasumik isummersortitseqqusissutaanngimmat kisiannili ataatsimiititsinissamut tamanut ammasumik innuttaasunut saaffiginnissut inerteqqutaasussaatitaanngikkaluartoq.  

- Skilterekalmimi aatsitassanik oqallinnissamut peqataanissamut qaaqqusineruvoq. Tamanna inerteqqutaasariaqanngilaq, Aleqa Hammond oqarpoq Inatsisartut peqqussutaanni paragraf 52 stk. 2 innersuussutigalugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER