Skip to main content

Atornikut ukkassigit

Kalaallit Nunaanni atornikuerniarneq soqutiginarsarneqassaaq, taamaalilluni sanngiinnerpaanut iluaqutaasussanik isaatitsinerusnissaq anguneqassammat, Kalaallit Røde Korsiat isumaqarpoq

Arfininngorneq martsip 17-ani sapaammilu martsip 18-ani KRK-p atornikuerniarfiini piumassutsiminnik sulisut 16-it nuummi pikkorissarneqarput. Pikkorissarnerup siulertut siunertaraa peqataasut atornikuerniarnerup tungaatigut nutaanik suliuniuteqalernissamut isumassarsiornissaq.

Dansk Røde Korsip pikkorissaasoq misilittagaqarluartoq atukkiuppaa. Gerda Højgaardip atornikuerniarfeqarnerup tungaatigut pikkorissaanermi saniatigut nunatsinni nunarsuatsinnilu Røde Korsip suliniarnermini tunngaviusumik pingaartitat sammivai.

- Kalaallit Nunaanni atornikuerniarneq soqutiginarsarneqassaaq, taamaalilluni sanngiinnerpaanut iluaqutaasussanik isaatitsinerusnissaq anguneqassammat. Peqataasuttaaq Nuummeersut, Qaqortumeersut, Maniitsumeersut, Sisimiuneersut Ilulissaneersullu periarfissinneqarput atornikuerniarfeqarnermi ulluinnarni misilittakkaminnik paarlaasseqatigiinnissamut, Kalaallit Røde Korsiat ilisimatitsivoq.

 

Kalaallit Nunaanni atornikuerniarfiit ukiumut millionit kaaviiaartittarpaat. Taakkunannga ininik attartornernut, innaallagissamut, kiassarnermut eqqagassaqarnerlu akilerneqartarput, sulisullu tamavimmik piumassutsimikkut akissarsiaqaratik sulisuullutik. Immikkoortortaqarfinni sinneqartoorutit inunnik ikiuinernut atorneqartarput. Nalunnginneqarnerpaarlu tassaavoq juullilernerani ikiuineq, 2011-mi nuummi immikkoortortaqarfiup juullilernrani ilaqutariinnut pissakinnerusunut kr. 205.000 ikiuutitut agguaappai.

Pikkorissarnermi peqataasut Tove Blidorf, Niels Peter Kristiansen, Agathe Wahl Møller aamma Andreas Kristiansen, Qaqortoq. Aase Nygaard, Noële Simon, Vivi Wennerfeldt, Britt Hjorth, Sussi Rasmussen, Heidi Chemnitz aamma Anso Grødem, Nuuk. Magdalene Poulsen, Maniitsoq, Thora Olsen aamma Gidse Thorleifsen , Sisimiut. Rachel Reimer Jensen aamma Marie Rosbach, Ilulissat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER