Skip to main content

CNN annikillisaavoq

- Uggornaqaaq ajuusaarnarlunilu CNN'ip nutaasiassiinini annikillisarmagu ilaatigut Kalaallit Nunaannit aamma Issittumik nutaarsiassat ikilisarneqarput, Rimdahl Th. Høegh oqarpoq

- Uggornartorujussuuvoq ajuusaarnaqalunilu sapaatip akunnerata siuliani nunarsuaq tamakkerlugu TV station CNN International'imit nalunaarutigineqarmat, nutaarsiassaqartitsiviup aallakaatittagaa CNN World Report/CNN World View, 1987'imiilli nunarsuarmit sumiiffinnit assigiinngitsorpassuarnit tusagassiisarfik taamaatinneqassammat, soorlu uanga nammineq Kalaallit Nunaannit Issittumiillu tusagassiivigisarsimasara. 

Taama allappoq Rimdahl Th. Høegh,  taanna nutaarsiassaqartitsivimmut tassunga nutaarsiassiisartut ilagisimasaat:

- Ajuusaarnaraluaqaaq, nunarsuarmit tamanit ikinngutit, misigisat paasisallu assigiinngitsut sarsuasutut ipput. Ikinngutit suleqatillu namminneq isiminnik sumiiffinni assigiinngitsunit pisunik oqaluttuartartut, ikinngutit assigiinngitsunik kulturillit, upperisallit, politikkikkut inissisimasut CNN World Report Conferencer qulingiluat peqataaffigisarnerisigut nutaarsiassaqartitsiviup ukiuni 30'ni ingerlanerani naapittarsimasat suleqatigiunnaassallugit.

- Uggornaraluaqaaq Kalaallit Nunaannik nunarsuaq tamaat saqqumilaartitsisinnaaneq periarfissaajunnaassammat. Uagut, KNR TV'li 1989 aallarnerfigalugu sapaatip akunneranut 3 minutsit kingornalu 2 minutsit aallakaatitsisarsimavugut, maannali aningaasassaaleqineq, piumassusikinneq tapersersornikippaallaarneq pissutigalugit siunertat pitsassuit puiguinnartariaqalerpagut. Saaffiginnissutaasartut Kalaallit Nunaannik saqqumilaartitsinermut atorneqarsinnaasut soqutigineqartaraluarput, amerlanertigullu akineqartartut: - Matu tulleq misilissiuk. Ataasiarlutali iluatsitsilluarpugut, CNN'ip kalaallit Juullip inuianik 80'ikkunni aallakaatitai nunarsuup sinnerani Nunatsinnik ilisimanninnerulernermik nassataqarput. Kalaallit Nunaanni Juullip inua pillugu CNN ilanngutassiunngikkallarmat juullip inua ukiumut 1500 meeqqanit sumi tamalaaneersunit allagarsisarpoq, 1989'imi ilanngutassioreernerup kingorna 15.000 allagarsisalerpoq, tassa 100 procentimik amerleriarlutik. Tassa periarfissatsialaat ilaat taanna maanna atorsinnaajunnaarparput.  

- Kisianni qulingiluariarlunga USA'mut angalasarninni misigisarpassuit nuannersut pissanganartullu misigaakka, pingaatumik KNR TV Greenland sinnerlugu Special CNN World Reporteritut suliat eqqaamassaraakka, tamatuma saniatigut ikinngutitaarisimasat ilaatigullu amerikami præsidentit soorlu Bill Clinton aamma Jimmy Carterimik naapitsisimaneri, soorlulu tusaamasarpassuarnik ilaatigut Elton John, U2'mit Boono, Diana Ross and Supremes, Ted Turner taassumalu nuliakua Jane Fonda allarpassuillu ilassinnissimanerit puigunaatsuupput. 

- Ataasiarlunga toqqaannartumik nunarsuaq tamakkerlugu aallakaatitami apersorpara taamani præsidentimut nuliaasoq Hillary Clinton, immaqa perngaamik kalaaleq nunarsuaq tamakkerlugu toqqaannartumik aallakaatitsinermi apersuisut siullersaralunga. Taamani annilaangalaarlunga eqqaamavara anigugassaavorli.

- CNN World Reportimi 1989'imi minutsini pingasuni ilanngutassiat ilagaat kalaallit Juullip inuanik saqqummiussineq, nunatsinni avatangiiseq pillugu illersuineq taamani suli nunarsuup sinnerani muteerniunngikkallarmat, Knud Rasmussen pillugu, Inuit sorsunnernik peqataasimanngisaannartut ilanngutassiaq ukiumi tassani ilanngutassiat tusindilippassuit akornanni pitsaanerpaanik toqqaanissamut ilanngunneqarpoq ajugaaganili, kisianni toqqaanissamut peqataavunga Ted Turneri toqqarneqassanngikkaluarpat pitsaanerpaatut nersornaat tigusinnaaniassagakku angalaneq pissarsiaraara. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER