Skip to main content

Uummannaq inerisarnissamut piareersimavoq

Uummannap eqqaani aatsitassarsiulernissaq piareersimaffigineqarpoq. Politikkerit piareersimallutik kalerriipput

- Uummannami eqqaanilu innuttaasut akornanni aatsitassarsiorluni pilersaarutit pisariaqartitaanerannik paasinnilluarput”, Kuupik Kleist oqarpoq, taanna Uummannami eqqaanilu innuttaasunik ataatsimeeqattaartitsinernut maannakkut peqataavoq ilaatigut Ukkusissani Saattunilu nangipporlu:

Paaserusulluinnarpaat periarfissaalersut qanoq iluaqutigineqarsinnaanersut aamma qanoq ililluni aatsitassarsiorfimmi sulisinnaanngorluni ilinniartoqarsinnaanersoq. Peqatigitillugu innuttaasut ilisimaaraat avatangiisinut inuuniarnermullu tunngatillugu mianerinnilluni ineriartortitsisoqartariaqarmat.”

Taama naalakkersuisut tusagassiivinnut nalunaaruteqarpoq.

 

Kissaatigineqarnerpaat ilagaat innuttaasunik ataatsimiititsinerni apeqquteqartartunit apeqqutigineqartartoq tassaavoq tuluttut oqaatsinik ilikkarnerunissaminnut sunik periarfissaqarnerlutik, taamaalillutik siunissami aatsitassarsiulerfissami suliffeqalernissaminnut periarfissarissaarnerulissagamik.

Innuttaasut amerlaqisut oqaatigisarpaat aatsitassarsiuleqqinnissamut piffissanngortoq.

- Utoqqaat aalisartut piniartullu eqqaamavaat taamani aalisarnermik piniarnermillu inuussutissarsiuteqarneq Marmorilimmi aatsitassarsiorfittulli ingerlanneqarallarnerat. Ataatsimullu isigalugu isumaqarput sooq maannakkut taamaaliortoqarsinnaassannginnersoq – iluatsittumik, Ove Karl Berthelsen naggasiivoq 

 

Innuttaasunik ataatsimeeqattaartitsinerni taamatuttaaq aalisarneq pillugu inatsit nutaaq oqallisigineqartaqaaq aamma qaleralittassiissutit ilanngullugit.

Ane Hansen oqarpoq:

- Aalisartut Uummannarmiut Pinngortitaleriffimmi uumassusilinnik misissuisut qaninnerusumik oqaloqatigisarumavaat – kissaatigisaat taanna malikkusoqaarput. Paasisinnaavarput aalisartut amerlaqisut uumassusilinnik misissuisunit annertunerusumik paasissutissinneqarusuttut oqaloqateqarusuttullu tamaani qaleraleqassutsimik misissuisoqartarnera eqqarsaatigalugu. Taamaammat qilanaarpunga Pinngortitaleriffimmiut ilagalugit maannaqqinnissannut aalisartut maanimiut taakkuninnga naapitsiniassammata misilittakkaminnillu paarlaasseqatigiillutik.

 

Pilersaarutaavoq innuttaasunik ataatsimiititsisarnerit ulluni tulliuttuni Ikerasammi Qaarsunilu ingerlaqqissasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER