Nanuaraq nakkutigaat
Diskop qeqertaani nunaqarfimmi Kangerlummi nanuaraq nakkutigineqarpoq taanna nunaqarfimmi nerisassarsiortoq takuneqartarpoq
Nanuaraq meterip missaannik portussusilik piniartunit sikumi eqalussuarniutinik Kangerluup kujataani ningitsisunit ullut pingasut matuma siorna takuneqaqqaarpoq.
Nanuaraq avannamut qimaavoq kingornali nunaqarfimmut uteqqissimalluni, ullaakkut paasineqarmat sissami panersiivinni puisip neqaanik panersiamik nerisimasoq.
Tallimanngornermi nunaqarfiup tungaanukartoq takuneqaqqippoq sikumi ningittakkat eqqaaniittoq.
- Suli takoqqinngilarput nunaqarfiup akiani qaqqamukarsimagunarpoq. Qanillattoqqippat snescooterit atorlugit qimaatinniarsarissavara. Kangerlummi innuttaasunut ulorianartorsiortitsinngilaq, Jensigne K. Olsen nannumik alapernaattoq oqarpoq.