Akutaaneq Kreutzmann isaatitsinerpaaq
Vejle Håndboldip Esbjergimut unamminerani Akutaaneq Kreutzmann arsarluarnerpaajullunilu isaatitsinerpaajuvoq
Akutaaneq Kreutzmannip isertitai arfineq-marluk 1. divisionimi pitsaanerpaanut Ribe-Esbjerg, arfininngornermi ualikkut unamminermi ajugaassutigissallutit naammanngillat. Ribe-Esbjerg 29 -25-nik ajugaapput nikinnermi 13 -13. Naak Ribe-Esbjerg sapaatip akunnerisa arlallit matuma siorna Håndboldligamut anngutereeraluarluni suli ajugaasaqattaartuarpoq. Unamminerit 25't ajugaaffigaat 46 pointinnallutik.
Akutaaneq Kreutzmann, Kalaallit Nunaanni juullisioriartornermi kingorna unamminerit tamaasa pitsanngoriartuinnarpoq. Esbjergimut unammereernerup kingorna Sermitsiaq.AG paasiniarpaa suna pissutaanersoq. Akutaaneq Kreutzmann nammineq akissutissarsiorpoq.
- Nalulluinnarpara, kisianni ilumoorpoq ajunngitsorujussuarmi ingerlavunga. Sungiusaasutta Mads Brandtip aamma taama aperinikuuvaanga. Soorunami angerlarluni juullisioriartorneq nuanneqaaq, nassuiaatissarli tamarmi tassaniinngilaq. Aamma holditsinni arsartartut tamarmik angusaqarniarlutik ilatik sukataaruttarpaat. Soorlu ullumi nalinginnaasumik isaatitsinerpaajusartoq Simon Madsen unamminerup aallartinnerani annerpoq, taamaakkaluartoq ajugaanissarput suli upperaarput, iluatsitsilluarutta pointit marluk Vejlemut angerlaassinnaallutigit.
Vejle Håndbold ukioq unammiuaarfiusoq una unamminissaq ataaseq ksiat amigaatigaat.