Skip to main content

Kuupik: Facebookikkut politikkernissaq mianersoqqussutiginngilara

Aviisip Sermitsiaq Kuupik Kleistip politikkimik ingerlatsinissamik oqalugiaataa kukkullugu paasisimagaa naalakkersuisut siulittaasuat oqarpoq  

Sermitsiaq.AG naalakkersuisut siulittaasuannit Kuupik Kleistimit erseqqissaavigineqarput:

- Maluginiarpara Sermitsiami kingullermi saqqummersumi (Sermitsiaq 11, aaq) oqarsimanerarneqartunga, Facebookikkut pilitikkernissaq mianersoqqussutigigaa. Taama uanga isumaqanngilluinnarpunga.

- Kommunit Ilulissani ataatsimiitinneqarneranni ammaanersiornermi oqalugiarninnit ilaannakortumit Sermitsiap paasinninneraa. Ajuusaarutigisorujussuuara tamanna pillugu oqallittoqalernera uanga nammineq ilisarisinnaannginnakku. 

- Taamaallaat taavara, internettikkut inuit naapittarfii uagut aalajangiisartuusugut peqataalluta malinnaaffigisariaqarivut. 

- Uanga nammineq aamma siuttuuffiginikuuara politikkip demokratiimik tunngavillip eqqunnissaa, tassani inuiaqatigiinni allannguinerit soorlu tusagasseeriaatsit arlallit atuutilernerisa kingunerinik allanngortunik malinnaanissaq. Inuusuttut politikkimik ilaatilerniarutsigit nutaanik aqqutissaqartariaqarpugut politikkikkullu nutaaliornermik ingerlatsisariaqarluta. 

- Inuusuttut nukissanik isumassarsianillu nutaanik ulikkaarput. Taakka atugarissaarnissarput qulakkeerniarutsigut pisariaqartippagut. Demokratii nukittorsarneqassappat inuit naapittarfii nutaat annerusumik aqqutissaapput, inuusuttummi tamakku ulluinnarni taamaattussaannartut atugarimmatigit. 

- Ilulissani kommunit ataatsimeersuartinneqarnerini sammisaq taanna eqqartorneqarluarpoq, aalajangiisoqarluni naalakkersuisut soorlulu kommunit attaveqaatinik ineriartortitseqqittariaqartut inuusuttut soqutigisaat aallaavigalugit aammalu politikkimik peqataalernissaat anguniarlugit, Kuupik Kleist oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER