Paamiuni atuarfik Tuiisaq fooqqiivoq
Atuarfiup nalliuttorsiutigineqarnera malunnartinneqarpoq
Paamiuni atuarfimmik sanaartorluni suliap inaarnera 1972'imi tunniunneqarpoq, tassa ukiut 40't matuma siorna.
Ataasinngorneq marsip 19'iat nal. 10.30 matut kikkunnut tamanut ammassapput nal. 14.00 tikillugu, atuarfik nutaaq marsip 19'iat 1972 tunniunneqarnikuummat.
Ullormut pisussat pilersaarusiugaapput ilaatigut videomik takutitsisoqassaaq isiginnaartitsisoqarlunilu. Kalattoorneq, apummik ilusiliat, Inuit Games'inik takutitsinerit, erinarsorneq aamma nipilersorneq ingerlanneqassallutik. Atuaqatigiit marluk Askepot isiginnaartitsissutigissavaat.
Nalliuttorsiornermut atatillugu atuaqatigiit assinginik saqqummersitsisoqassaaq, asserpassuit Paamiuni innuttaasut ikiorsiullugit katersorneqarsimapput.
- Ilisimaneqarpoq Paamiuni atuartut kalaallisut misilitsinnerni annerpaanik angusaqartartut, Atuarfik Tuiisamit oqaatigineqarpoq.
Ullumikkut atuarfimmi atuartut 250 missaraat 40'nik ilinniartitsisoqarluni.