Skip to main content

Aningaasat pitsaanermik aqunneqassapput

Pisortat aningaasaataasa pitsaanermik aqunneqarnissaat kikkut tamat soqutigaat kommunit ataatsimeersuarnerannit inerniliussaavoq

Nunatsinni borgmesterit naalakkersuisullu kommunit pillugit ataatsimeersuarnermi Ilulissani ingerlanneqartumi oqallisigaat pisortat aningaasaqarnerat ilungersunartoq sulilu ilungersunarsiartortoq.

Inerniliunneqarpoq ataatsimoorussanik nutaanik suliniuteqartoqarnissaa pisariaqartinneqarpoq kinguaariit tullii maannakkutut atugarissaartigalutik inuunissaanut qulakkeerumallugu. Taamaattumik borgmesterit aamma naalakkersuisut suleqatigiinnissaq nukittuneq annermillu pituttuisoq aallartittariaqarpaat, siunissami kommunit namminersorlutillu oqartussat aningaasaqarnerat qulakkeerneqassappat. 

- Aningaasanik aqutsineq namminersorlutik oqartussani kommuninilu pitsanngortissavarput, pisortani suliassanik ingerlatsineq pitsanngorsarlugu aammalu innuttaasut kommunillu atugaat naligiissaarnerullugit. 

- Suliassaqarfiit kommuninit aamma namminersorlutik oqartussanit isumagineqartussat akisussaaffigineqarnerat erseqqissaavigineqarlunilu nalimmassarneqartariaqarpoq. Taamaaliornikkut aningaasameernermik eqqarsarneq aamma millisinneqassaaq, aningaasaqarnermut naalakkersuisoq Maliina Abelsen oqarpoq.

 

Siunnerfimmik pilersaarut aasamut piariissaaq
Kommunit aamma namminersorlutik oqartussat suleqatigiillutik akiligassallit akiitsuisa ikilisinneqarnissaat sulissutigissavaat. Maannakkut suleqatigiissitap akiliisitsiniaanissamik siunertalimmik anguniagaqarnissaq isumagisussanngussavaa.

- Suliniarnermi illuatungeriit misissuataassavaat akiliisitsiniaanermi akisussaanermik tigummiaqarneq nalimmarsartariaqarnersoq aamma akiliisitsiniartarneq pillugu inatsisit allanngortittariaqassanersut. Siunnerfilimmik anguniagassatut siunnersuut juunip naanerani akuerineqarnissaminut piareersimassaaaq, Martha Abelsen Kanukokap siulittaasua oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER