Inuusuttuaqqat hashimik pujortartarnerat ajoraat
- Atuartut amerliartuinnartut hashimik pujortarneq misilereerpaat tamanna ernumanaateqartoq, Siverth K. Heilmann aamma Knud Kristiansen, Atassut tikkuarpaat
- Aangajaarniutinik atuinermi ajornartorsiutip annertusiartuinnarnera akiorniarlugu qanoq Naalakkersuisuniik iliuuseqartoqartoqarniarpa?
Paragraf 37 aqqutigalugu Inatsisartunut ilaasortat Atassummeersut marluk naalakkersuisunut apeqquteqarput.
Apeqqutertik ima tunngavilersorlugu:
- Piffissami kingullermi tusagassiuutit aqqutigalugit annertuumik sammineqarpoq, aangajaarniutinik atuinerup kingunerisaanik aanaanaasut hashimik atuisarsimasut allaammi qaammatit sisamat (4) ingerlanerinnaani Nuummiinnaq 15 %-it angullugit meerartaarnerminni hashimik atuisuusut paasineqarsimasut aammalu meerannguit inunnguinnartut intensivimi nakkutigineqartariaqartarsimasut.
- Taakku saniatigut tusarsaaleraluttuinnarpoq atuartut ukiukitsut aamma aanngajaarniutit pissarsiarisinnaaneranik ajornannginneraasut ooqattaarsisarsimasut tusarsaaleraluttuinnarnera isumakuluttartutut tiguvarput, Siverth K. Heilmann aaamma Knud Kristiansen oqarput.
- Nalunngilarput pinaveersaartitsineq siunertaralugu Paarisalu siuttoralugu nunatsinni suliniarluartoqaraluartoq, ajoraluartumilli peqqinnissaqarfinni, kommuuneqarfinni il.il. ikiaroortartumik akiuiniarneq sakkortusiartuinnarani ukiukitsut isertuaratik misileraasalersimanerminnik oqariar-tuuteqartarnerat assut isumakulunnarpoq.
- Atassummit akuerisinnaanngilluinnarparput, meerannguit inoorlaat pisuussuteqanngitsut peroriartornerminni innarler-neqarsinnaanerat anaanaasut mianersuaallioqalutik inerteqqutaasumillu hashimik atuisarnerat.
- Atassummit neriuutiginngilluinnarparput siusinnerusukkut massakkullu inatsisartuni qinigaasutut issiasut ilaasa inuusunnerup nalaani ikiaroornartumik ooqattaarsisarsimanerminnik tusagassiuutitit aqqutigalugit tusarliisarnermi ukiukitsuniik nuannaartorineqalersimassasut.