Iqalunni ikuallannersuarmit eqqukkanut 100.000 koruunit

Kalaallit Nunaanni namminersorlutik oqartussat Nunavummi Iqalunni ikuallannersuarmit eqqukkat ikiorserpaat

Assi: Leiff Josefsen

Inatsisartut Aningaasaqarnermut ataatsimiititaliaata suliassat "tuaviortut" akornanni atsiorpaa, naalakkersuisut innersuussutaat aningaasaqarnermut ataatsimiititaliap akuersinerata kingorna isumaqartoq, Namminersorlutik Oqartussat 100.000 koruuninik Iqalunni ikuallannersuarmit eqqukkanut tapiissutigineqassasut.

- Suliassami uani Aningaasaqarnermut ataatsimiititaliaq Naalakkersuisunit suligasuaqquneqarsimavoq, Iqalunni ikuallannersuarmit eqqukkanut sukkanerpaamik ikiorsiinissaq anguniarlugu, Aningaasaqarnermut ataatsimiititaliap oqaaseqaataani erserpoq.

Iqaluit, Nunavut februaarimi ikuallannersuarmit eqqugaapput inissiarsuaq sanileriinnik 22-nik inissiartalik nungulluni ikuallammat Kalaallit Røde Korsiat 50.000 koruuninik Canadian Red Crossimut tapersiivoq. Ikuallannerup nassatarisaanik inuit 50'it angerlarsimaffeerupput pigisatik tamaasa annaallugit, Kalaallit Røde Korsiat ilisimatitsinikuuvoq.

Powered by Labrador CMS