Skip to main content

Nanook Danmark akimorlugu

Nanook Aalborgimi tusarnaartitsipput

Tallimanngornermi Københavnimi tusarnaartitsiffioreermat arfininngornermi unnukkut Nanookikkut Aalborgimi Kalaallit Illuutaanni tusarnaartitsipput.

Nanookikkut oqaluttuaraat Københavnimut tikikkamik aallartipiloorsimanertik, timmisartup kinguaattoornera pissutigalugu timmisartoqarfimmit taxanik nipilersorfissaminnut tuaviinnaq ingerlaarsimallutik nipigissaaqqaaratillu tusarnaartitsisimallutik. Arfininngornermi namminneq biilimik ulikkaarluaqisumik Aalborgiliarput. 

Taama ulapitsigisimammata aperaagut qasunersut tamarmilli isumaqagiissutigalugu akipput Aalborgimi nipilersornissaq kajuminnaqimmat nuannisangaaramillu qasunermik suli malussaratik. 

Sapaammi Odense tikinneqassaaq, nipilersoqatigiit aammaarlutik Jylland aqqusaarlugu Fyniliassapput, imaassinnaavoq Aarhus piffissami allami tikinneqarumaartoq. 

Tusarnaariat 200 missaat inuusuttuararpassuit inuusuttuunerusullu arfininngornermi Aalborgimi misigisassarsipput. Tusarnaariat ilaat ungasissorsuarmit allaat Aarhusimit ilami Aalborgimit 100 kilometerinik ungasissusillimit tikerarput.

Aaqqissuussineq iluatsilluartoq kalaallit Danmarkimi ilinniartut peqatigiiffiat Avalak aaqqissuisoralugu ingerlanneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER