Skip to main content

Nanook timmeralaaginnaq

Kalaallit nipilersortartut nuannarineqaqisut Nanook tikipput Nordatlantens Bryggemi tusarnaartitsillutik

Nanook nannut nanuat, tallimanngornermi unnukkut Københavnimi qatimaaqaaq. Kalaallit rockimik nipilersortartut nuannarineqaqisut Nanook Nordatlantens Brygge tiguarpaat tusarnaariat 200 sinnillit nuannisaqisut erinarsorfigalugit. Nipilersoqatigiit atugaat arlallit inunnik pississaartitsipput pingaartumik Seqinitta qinngorpaatit tusarnaarianik nuannatsitseqaaq. Bryggenimi qilak angungajappaat nannut nanuat ilaarneqarluarpoq.

Sekundi kingulleq tikillugu pissangasoqarpoq

Nipilersoqatigiit tassaasut qatanngutigiit Christian aamma Frederik Elsner, tamarmik guitarerlutillu erinarsorput, Hans Rosenberg tumerparpaat, Andreas Otte bas aamma erinarsortoq taavalu Mads Røn pattagiartoq piffissaq kingullerpiaq takkupput. Aaqqissuisut tusarnaartitsinissaq taamaatiinnangajappaat Air Greenlandip timmisartorsua Kangerlussuarmit kingusinaarluni apuummat ullullu siuliani taamaatiinnarnikuulluni.  

Tusarnaartitsineq nalunaaqquttap akunneranik ataatsimik kinguaattoorpoq nipilersortartoq Qaqortumeersoq Hans Mortensen kissassaasuusoq arlaleriarluni appitseqqinneqartarpoq unnullu annallugu. Nanook tusarnaartitsinerat 23.15 aallartippoq. Erinnat pingasut naggataarutigaat tusarnaartitsineq nalunaaqqutaq ataatsit missaat naammassilluni.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER