Skip to main content

Aana Aleqap marsip arfineq-pingajuanni oqalugiaataa

- Naligiittut pissusilersorneq isumaqarpunga naligiitsitsiumassutsimik kissaateqarnerup timitaliinerigaa, Siumup siulittaasua Aleqa Hammond, oqarpoq.

Sermitsiaq.AG'p, Nunat tamalaat akornanni marsip arfineq-pingajuanni arnanut ulloritinneqartartumi Siumup siulittaasuata Aleqa Hammondip oqalugiaataa saqqummiuppaa:

- Arnat ulluanni pilluarta, qanortoq ulloq arnarpassuulluta ataatsimoorfigitigu – inuiattut nukittunerulernissarput angujumallugu.

Isumaqarpunga inuiattut immitsinnut ikioqatigiinneq annerpaaq anguneqassappat aammalu ajornartorsiutitut isigisavut aningorniassangutsigit uagut arnat angutitavut annertuumik suleqatiserisariaqarivut.

Naligiittut pissusilersorneq isumaqarpunga naligiitsitsiumassutsimik kissaateqarnerup timitaliinerigaa taamaammat iliuuseqarnissamut siulliunikkut iliuutsikkut aqqutissiuussisinnaasugut.

- Inuiaqatigiinni amerlaqisut inoqatinnguavut imminorsimapput aammalu amerlaqisut ilinniarsimassutsikkut angusarissaarpallaaratik aammalu takuinnartigu persuttaasarnikkut kisitsit, tamassumalu takutippaat angutavut annertuumik iliuuseqarnissamut immikkut pisariaqartitsisut.

Isumaqarpunga uagut arnat naligiissitaanermut iliuuseqarnissatsinnut tunngatillugu oqaluttarnitsinni angusaqarumasarnitsinnilu immikkut isiginiartariaqaripput angutitavut naligiittut pillugit qaninnerpaamik suleqatigisariaqarigut.

 

 

Amerlasuut isumaqarput naligiissitaaneq arnat angutillu akornanni naligiimmik akissarsiaqarnissaq pingaarnerusoq, ilumoorporlu aamma tamanna pingaaruteqarmat.

Taamaattorli isumaqarpunga nunatsinni inuiattut inuuniarnermi ajornartorsiutit naligiisitsinngitsumik takussutsissaqartut tassaavoq arnat angutillu inuiaqatigiinni eqqarsartaatsikkut, ilinniarsimassutsikkut aammalu iliuuseqarumassutsikkut assigiinngippallaartumik inissisimanerata kingunerisaanik angutitavut amerlasuut tunullliunneqartutut inissisimalersinnaanerat. 

 

Arnarpassuit nukittuut


Nunarput arnarpassuaqarpoq nakuarsuarnik. Nunarput arnarpassuaqarpoq ilinniarluarsimasorpassuarnik. Nunarput arnarpassuaqarpoq nukissanik ulikkaartut aammalu arnaqatiminnut aqqutissiuussillutillu isumassarsiorfiulluartunik.

Taamatut aamma angutitatta akornanni inissisimaneq annertooq eqqummaariffigineqartorlu kissaatiginarpoq. Tamannalu anguneqarsinnaavoq angutitatta iliuuserisartagaannut tunngatillugu pitsaanngitsumik iliuuserisartagai pillugit oqalunnermi qitiutinnagu kisiannili angutitavut nalitut aammalu uatsitullu pingaartigisutut nersorlugit pinissarput pitsaanerpaasoraara.

Angutit tassaapput pinngitsoorsinnaanngisavut, angutit tassaapput suleqativut qaninnerit, angutit tassaapput inuiaqatigiinni nukittoqutivut aammalu angutit tassaapput inuiaqatigiinni affavut tarrarsorfigisassavut.

Suleqatigiilluarisa angutitatta uagullu akornanni naligiimmik peqatigiinnissatsinnut, Aleqa Hammond oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER