Eqqartuussisoq: Isumaqatigiissitsiniarneq iluatsissinnaavoq

Landsdommer Søren Søndergård Hansen har positive erfaringer med at mægle i arbejdskonflikter. Nu skal han måske bokse med lærerblokaden

Nunap eqqartuussisua Søren Søndergård Hansen isumaqatigiinniarnernit pitsaasunik misilittagaqarpoq. Maannakkut ilinniartitsisut mattussineranni akuliuttussanngorunarpoq. Assi: Søren Duran Duus

Nunap eqqartuussisuunerata Søren Søndergård Hansenip ulluni makkunani IMAK-imit nalunaartoqarnissaa utaqqivaa, ilinniartitsisut peqatigiiffiata ilinniartitsisut sulisitsisuisalu akornanni aaqqiagiinnginnermi unittoorsimasumi isumaqatigiissitsiniartussatut aamma kissaatigigaanni.

Sulisitsisunit, naalakkersuisunit kommuninillu isumaqatigiissitsiniartussatut siunnersuutigineqarsimavoq. IMAK-ili suli nalunaarsimanngilaq, illuatungeriillu isumaqatigiissutigisussaavaat isumaqatigiissitsiniartut atorusunnerlugu.

Læs "Indgreb kan stoppe lærerblokade"

Læs "Mæglingsmand skal løse konflikt"

- IMAK-imit toqqarneqassaguma suliassaq suliarissavara. Piffissaqarfigisinnaavara, naak suliamut pulaniarninni piffissangaatsiaq atortariaqaraluarlugu, Søren Søndergård Hansen sulinerminut atatillugu angalareerluni Nuummut uteqqammersoq oqarpoq.

Arlaleriarluni sulinermut atatillugu aaqqiagiinnginnerni isumaqatigiissitsiniartutut atorneqartarsimavoq, pitsaasunillu misilittagaqarluni.

- Imaattaraluarpoq ullaassakkut tallimanut aatsaat isumaqatigiilluta, kisianni iluatsittarpoq, oqarpoq.

- Uani aaqqigiinnginnermi aaqqiisoqarsinnaasoraajuk?

- Illuatungeriit aaqqiisoqarnissaanik siunniussaqarsimappata iluatsissajunnarsivoq. Kisianni soorunami periusissiortoqartuaannarpoq. Maannakut illuatungeriit aappaanit isumaqatigiinniartussatut siunnersuutigineqarpunga. Illuatungerisap siunnersuut akuerinngippagu suliassarissavara nutaamik siunnersuuteqarnissaq, Søren Søndergård Hansen oqarpoq.

Se billeder fra lærerdemonstration

Ilinniartitsisut kattuffiata siulittaasua Sivso Dorph ulluni makkunani nunatsinni angalavoq sumiiffinni ataasiakkaani peqatigiiffiit tikeraarlugit. Suli siulersuisoqatinilu eqqartorsimanngilaat IMAK-ip Søren Søndergård Hansen isumaqatigiinniartutut akuerissaneraat.

Powered by Labrador CMS