Skip to main content

Kaammattuut: Meeraaqqat illut iluiniitissigit

Issittorujussuuvoq. Peqqissaasut meeraaqqersisut meeqqat mikisut silami sinitsinnissaat mianersoqqussutigaat 

Anaanasup kialuunniit nalunngilaa meeraaqqat silami barnevognini sinilluarnerusartut. Isseqimmalli mianersortariaqarpugut, Nuummi peqqissaasoq meeraaqqerisoq kalerrisaarivoq.

- Meeraaqqat silami maannakkutut nilleritigisumiissaanngillat, Nuummi peqqissaasut aaqqissuussisuat Klara Thorsen oqarpoq.

Sapaatit akunneri qaangiuttut sila nilleqaaq. Ulluni aggersuni sila qerititsivinnit nillernerussaaq minus 20 - 22 akornanni ississagami.

Meeqqanut mikisunut nillerpallaarpoq.

- Innersuussutigaarput minus 10 inorlugu nillertigitillugu meeraaqqat silami barnevognini sinissinnaasut. Innersuussut taanna malittariaqarpoq, Klara Thorsen erseqqissaavoq.  

 

Erseqqissaaneq arlalinnik tunngaveqarpoq

Nuummi sumiiffinni arlalinni siunnersuutip taassuma malinneqannginnera takussutissaqarpoq. Angerlarsimaffiit saavini sutortarfiit silataanni barnevognini mikisortavut sinngupput. 

Danmarkimi peqqinnissaqarfimmik aqutsisoqarfimmik naapertorlugu allaat minus 10 gradit allaat ajornartorsiortitsisinnaapput. Assigiinngitsunik pissuteqartumik minnerunngitsumilli barnevognip inissisimanera.

Oqquartamiissaaq masannartuliorfigitinnani anoreqanngitsumilu. Barnevogni ussissuussaaq.

Soorunami meeqqap atisai aamma siniffia soorunami pingaaruteqarput. Naalungiarsuk naammattumik kissassuseqarpasinngippat ingerlaannaq eqqunneqassaaq. Meeqqat kissassusaa pukusuani malugineqarsinnaavoq amia pissusissamisut kissassuseqassagami. 

- Issinnerani ajornartorsiutaasinnaagami naalungiarsuup kissarnermik nillernermillu malugisaataata suli inerisssimannginnera. Meeqqat kiaguleraangamik qialertarput. Meeqqalli qiiasut taamaanneq ajorput, Klara Thorsen nassuiaavoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER