Assartuinermi kinguaattoorujussuarnerit

Nunatsinni issinnera taamaaginnarallassaaq Royal Arctic Linep umiarsuaataasa kinguaattoorujussuarnerinik nassatalik - RAL'ip umiarsuaataasa angalanissaat allanngorput

Nunatsinni issinnera taamaaginnarallassaaq tamassuma nassataanik Royal Arctic Linep umiarsuaatai kinguaattoorujussuassapput. "Arina Arctica” Royal Arctic Linep assiutaa.

Kujataani silarlunnerata nassataanik "Aqqaluk Ittuk" tallimanngorpat marsip qulingiluaanni aallassaaq.

- Narsarsuarmi, Qassiarsummi aamma Kangilinnguani sikuunerata taakkununnga tikinnissaq ajornartilluinnarpaa. Taamatuttaaq tamanna pissutaalluni Igalikomut ingerlaarnissap taamaatiinnarneqarsinnaanera ilimanarluni, Royal Arctic Line nalunaarpoq.

Læs "Skibsanløb forværret af is"

Arsuup, Eqalugaarsuit aamma Saarlup angallavigineqarnissaat maannakkut suli allanngortinneqanngikkallarpoq.

Mary Arctica Narsamiittoq silap pitsannguallannissaa utaqqillugu Qaqortumut ingerlaarniassagami tamaanngaanniillu Aalborgimut ingerlaqqissalluni.

Nunatta Qeqqani Angaju Ittuup aamma Johanna Kristina angalanissai sikuunera pissutigalugu tamarmik unitsinneqarput. Angalaqqilersinnaanerat ataasinngorneq 12. marsi 2012, nalilerneqassaaq.

Steder med annulleringer


Illoqarfinnut aamma nunaqarfinnut ukununnga angalanissaagaluit taamaatiinnarneqarput:

Kujataani: Narsarsuaq, Qassiarsuk, Kangilinnguit

Qeqqani: Sisimiut, Napasoq, Atammik, Kangaamiut, Qeqertarsuatsiaat, Kapisillit, Itilleq, Sarfannguit

Royal Arctic Linemit sila aamma sikuniarnera qanimut malinnaaffigineqarpoq aamma nittartakkatsinni www.ral.gl –imi ingerlaavartumik nutaarsiassanik nutarterisassaagut.

Powered by Labrador CMS