Skip to main content

Halibut: Ipitinniarneqarnersugununa?

Halibut Greenlandip pisortaa Niels Thomsenip Royal Greenlandimik unammillerneqarneq narrussutigaa

- Halibut Greenland ipitinniarneqarnersoruna?

Taama oqallissaarummini aperaaq Halibut Greenlandip pisortaa Niels Thomsen Royal Greenlandip unammilelrnea pillugu.

- Uagut tungitsinniit unammilleqatigiinneq pitsaasutut tamanullu siuarsaataasutut isigaarput. Unammilleqatigiinnerup ilaatigut kingunerivaa Qeqertarsuup Tunuani allanilumi aalisartut tulaassaminnut kiilumut pissarsissutigisartagaasa ikattoriaammik qaffannera, ilaqutariit aningaasarissaarnerulernerat, illoqarfinni kaaviiaartitsilluartoqarnerulernera pisortallu akileraarutitigut isertitaqarnerulernerat. Tamakkua tamarmik pitsaasuupput taamaattuaannartariaqaraluarlunilu.

- Piffissamili uanerpiaq Royal Greenland A/S suliffissuaq inuiaqatigiit pigisaata uangut inuiaqatigiinnit pigineqanngittuusugut ipititsiniaavissortutut pissusilersorfigimmatigut inuiaqatigiit kiisalu inuiaqatigiit sinnerlugit akisussaasutut inissisimasut politikerit apererusuppagut ilumut naapertuuttoqarnersoq pissutsinut kisermaassisoqarnerata nalaanut utertoqassappat. Tamannami inuiaqatigiit pigisaata aqutaanngittumik pissusilersornini ingerlatiinnassanguniuk kingunerissuaa, Niels Thomsen oqarpoq.

Akit aamma qaffappai
- VTamatta ilisimavarput Halibut Greenland ApS pilersinneqanngikkallarmat pissutsit qanoq issimanersut. Aalisartut akiluttorfigineqarnikuupput, qaammatialunnguimmi matuma siorna qalerallip akingisimasaminiit pingasoriaat sinnerlugu aalisartunit pissarsissutigineqartalernikuuvoq. Aalisartut tulaassami ilaannit akilerneqartarnikuunngillat, ipinnerusumik oqaatigissangaanni tilliffigineqartarnikuupput.

- Ullumikkut piviusuuvoq aki uangut qaffakkaangatsigut Royal Greenland A/S maani Qeqertarsuup Tunuani ingerlaannartumik akingititaminik qaffaasarnera. Tulaassuisorisimasatta ilaannit tusarlerneqarpugut aki sumulluunniit qaffakkaluarutsigut namminneq 2 koruunimik qaffasinnerujuaannassallutik. Maannamut tamanna piviusuuvoq, Niels Thomsen oqarpoq.

Pisut tupigusuutigai
- Nalornisigineqassanngilaq unammilleqatigiinneq tunngaviatingut apeqqusersunnginninatsigu. Unammilleqatigiinnerulli tunngavii aallaavittut assigiittariaqarput. Akuersaarneqarsinnaanngilaq nunatta ilaani qaleraleqarfinni kisermaassinermik tunngaveqartutut ingerlatsinikkut iluanaarutip pilersinneqartartup unammilleqatigiiffiusumi ipititsiniutitut atorneqarnera.

- Akuersaarneqarsinnaanngilaq suliffissuaq inuiaqatigiinnit pigineqartup aningaasartuutit qummut ingerlatiinnarneqarsinnaannginnerannik eqqumaffigisaqarani ingerlaannarsinaasoq, tamatumani taamaaliorsinnaanermut tunngaviunngilaq niuernikkut unammillertigisaniit pikkorinneruneq, tunngaviullunili akileraartartut ilungersorlutik sulillutik akileraarutigisimasaannut milluaariaannaanermik periarfissaqartitaaneq, Niels Thomsen oqarpoq.

Akisussaaffeqatigiinneq
- Tamanna tunngavigalungu politikerit akisussaassuseqartumik sulissangunik isummersorfigisariaqarpaat pissutsit piffissami matumanerpiaq takusinnaasagut ilumut akuersaarniarnerlugit? Kikkut unammilleqatigiinnerup nassatarisai siammasittumik eqqarsarnermi tapersersorpaat kikkullu kisermaassinertut pissusilersornermi atungaanikut utersaarfigerusuppaat? Kikkut akuersaarpaat suliffeqarfik namminersortoq aalisartunit nunaqavissunillu pigineqartuusup inuiaqatigiit pigisaanniit ipitinniarneqartutut pissusilersorfigineqartoq?

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER