Sulinermi atugassarisanut akissut nukingisaarutigaa

Siumumeersup Akitsinnguaq Olsenip paaserusuppaa pisortani atorfinitsitaanermut isumaqatigiissutit pillugit Kalaallit Nunaat ILO-mi isumaqatigiissummut normu 94-imut ilaanersoq

Akitsinnguaq Olsen, Siumut sinnerlugu Inatsisartunut ilaasortaq. Leiff Josefsen
  • Kalaallit Nunaat ILO-mi isumaqatigiissummut normu 94-imut ilaanersoq apeqqut pillugu naalakkersuisut qanga allakkatigut saaffiginnippat, aamma allakkat suut Nunanut allanut Ministereqarfimmut ILO-mullu nassiunneqarsimappat?
  • Naalakkersuisut qaqugu naatsorsuutigaat Nunanut allanaut Ministereqarfimmit ILO-millu akissuteqarfigineqassallutik?
  • Kalaallit Nunaat ILO-mi isumaqatigiissummut normu 94-imut ilaappat naalakkersuisut naalakkersuisut qanoq iliornissamut piareersaateqarpat?

Taamatut nipaqarput paragraf 37 malillugu Siumut sinnerlugu Inatsisartunut ilaasortap Akitsinnguaq Olsenip apeqqutai.

- Paaserusuppara suliassaq qanoq ingerlanersoq apeqqullu pingaarutilik taanna qanoq suliarineqarnersoq, Inatsisartut piffissami tulliuttumi suliniutit arlallit, nunap siunissaanut siunissamilu inuiaqatigiit ilusilersornissaannut annertuumik sunniuteqartussat isummerfigissammagit, Akitsinnguaq Olsen apeqqumminut tunngavilersuutitut nassuiaavoq.

Atuaruk "Akitsinnguaq akissuteqaqqusivoq"

Pisortanik isumaqatigiissutini sulinermi immikkut piumasaqaatit pillugit ILO-mi isumaqatigiissut normu 94 Danmarkimit atortuulersinneqarnikuuvoq kingullermillu kaajallaasitamik malitseqartinneqarluni normu 115, 27. juni 1990-imeersumik, tassani naalagaaffimmi oqartussaaffeqarfiit tamarmik peqquneqarlutik ILO-mi isumaqatigiissut malissagaat. Ilanngullugu Danmarkimi kommuninut nunallu immikkoortuinut tamanut inassutigineqarpoq sulinermi immikkut piumasaqaatit ilanngunneqassasut malittarisassat naalagaaffiup isumaqatigiissutaani atorneqartut malillugit.

Tassa imaappoq, isumaqatigiissut atorneqassaaq isumaqatigiissutini, piumasaqaatinik makkuninnga naammassinnittuni:

  • Isumaqatigiissummi illua'tungiusoq ikinnerpaamik ataaseq tassaasoq pisortat oqartussaaffiat.
  • Isumaqartigiissutip naammassinerata kingunerissagaa atugassarisanik pisortat piinik atuineq illua'tungiliuttunillu sulisartunik suliassaqartitsilluni.
  • Isumaqatigiissut isumaqatigiissutaasoq pisortat sinnerlugit illunik sananernik, allanngortiterinernik, iluarsaassinernik isaterinernilluunniit, atortussanik, atortunilluunniit sananeq, katersuineq, suliarinninneq umiarsuarmilluunniit aallarussineq kiisalu sullissinernik ingerlatsineq tunniussinerluunniit.
  • Isumaqatigiissut naalagaaffimmi Den internationale Arbejdsorganisation-imi ilaasortaasuni qitiusumik oqartussaaffeqarfimmit tunniunneqassasoq.
  • "Tamanna peqatigalugu isumaqatigiissutit, isumaqatigiissutip atuunneqarfii, imaqassapput aalajangersakkanik, tassani allassimassallutik sulisartut akissarsiaat, tamatumani ilangullugit immikkut akissarsiat, piffiit suliffissat sulinermilu atugassarisat allat, taassuma fagiani suliffissuaqarfianiluunniit suliani assingusuni ajornerussanngitsut."

Danmarkip ILO-mi isumaqatigiissummik normu 94-imik atuutilersitsineranik nalunaarusiaq atuaruk uani.

Powered by Labrador CMS