AG-mi qiiaammernartut
AG-p atuartartut kajumissaarpai pisunik eqqumiitsunik oqaluttuanik nassiusseqqullugit - akissarsiassaavoq Ipad 2 imaluunniit aningaasat taassuma nalingatut amerlatigisut
Immikkut naalaaqqissaartoqartarpoq. Ueruloorluni. Uummat kassuttorujussuulluni assaallu ipaat masallutik. Atugassaq kissaatiginanngikkaluartoq. Taamaakkaluartoq oqaluttuartup qarnga alatsaalisarparput, piviusumik oqaluttuat amiilaarnartut eqqumiitsullu qiiaamminartut tusarnaaraangatsigit.
Kisiannili sooq oqaluttuat nunami pigineqaqisut toqqortariinnarneqassappat? Allanut oqaluttuarikkit oqaluttuarlu pitsaanerpaaq akissarsiassaqarpoq: iPad 2, imaluunniit aningaasat taassuma nalingatut amerlatigisut.
AG-p taanna eqquiniartippaa aviisimik atuartartut uulikullannartunik atuagassaqartikkumallugit. Sunaluunniit oqaluttuarisinnaavat: Qivittumik naapitsinerit, aliortornerit, UFO-mik takunninnerit pisunilluunniit eqqumiitsunik paasisinnaanngisannik misigisatit.
Oqaluttuat pitsaanerpaat poorskip aviisiani
Oqaluttuat pitsaanerpaat AG-mi apriilip sisamaani poorskilernerani saqqummersussami ilanngunneqassapput, tassanissaaq qiiaammernartumik oqaluttuallaqqinnerpaap aqqa tamanut saqqummiunneqassaaq. Oqaluttuanik tunniussinissamut killissarititaavoq marlunngorneq marsip 22-iat.
Oqaluttuat AG-mut allakkatigut nassiuguk imaluunniit mail-ikkut: gys@sermitsiaq.ag.
Pitsaassaqaaq assinnik ilanngussisuuguit. Aammalu oqaluttuami sumiiffiup assinganik titartakkamilluunniit. Soorunamili tamanna piumasaqaataanngilaq.