200-t ajugaanissartik neriuutigaat
Grønlandsbankip Sermitsiaq.AG-llu aktianik unammisitsineranni, Aktie Tipsimi, peqataaniarlutik nalunaarsimasut 200-uupput. Eqqugassat 25-iummata eqquinissamut periarfissarissaarpoq
Unamminerup immikkoortua siulleq ullumi, tallimanngornermi marsip 5-ianni, aallartippoq.
Eqqugassaq anneq 10.000 koruuniuvoq, tulleq 5.000 koruuniulluni pingajuallu 2.500 koruuniulluni. Tamatuma saniatigut unamminerup immikkortuata pingajuat ingerlanneqareerpat qiteqqunnermi eqqugassaqarpoq 2.00, 1.00 aamma 500 koruuninik - eqqugassat katillutik 25-it.
Nutaatut Grønlandsbanki ilinniarfimmi klassimut, Aktie Tipsimi angusarissaarnerpaamut, 10.000 koruuninik akissarsiassaqartitsivoq. Taamaasillunilu assersuutigalugu niuernermik ilinniarfimmi, GU-mi imaluunniit meeqqat atuarfianni klassi unamminermi angusarissaaruni assersuutigalugu paasisassarsiorluni angalanissamut tapissangaatsiamik pissarsisinnaavoq.
Atuarfimmi klassinut immikkut eqqugassaq eqqussagaanni atuisup aqqani takuneqarsinnaassaaq atuarfimmi klassiusoq.
Klassip assersuutigalugu atuisutut ateq 1Q GU-Nuuk assigisaaluunniit atorsinnaavaa.
Unamminerup, tallimanngornermi apriilip 13-iannut ingerlasup, ingerlanerani peqataaniarluni nalunaartoqarsinnaavoq.
Unamminermut peqataaniarlutit nalunaarsinnaavutit uani.
Atuaruk "Aktiespil aallartippoq"
Quppernermi nittartakkami unamminermi malittarisassat selskabillu unammissutaasut atuarsinnaavatit.