Snowboardertartut Norgemi DM'imut piareerput

Kalaallit sisorartartut qulingiluat unammersuarnermi peqataanissaminnut piareerput. Unamminerit Norgemi Vierlimi ingerlassapput

Norgemi peqataasut – sungiusarneq aallartippaat unammersuarnerilli aallartinnginnerini uani sungiusaqatigiipput. Assi: Rasmine Geisler.

Kalaallit Nunaannit unammiartortitat tassaapput Jonas Strømsted, Marco Geisler, Aladaq Møller Karlsen, Mathias Mark aamma Niklas Petersen. Taakku tamarmik junioriupput.

Taakkua saniatigut Michael Damgaard aamma Rasmus Nielsen, kiisalu Laila Friis-Salling, Qeqertarsuaq inersimasuni peqataapput. Juniorit tamarmik Nuummit aggerfeqarput. Peqataasut ilagaat Bastian Nystrup, taanna freestyleriuvoq sungiusarnissarli anguniarlugu unammersuarnermi peqataalluni.

- Ullut siullit snowboardertarfik pitsassuaq silageqisumi misiligarneqarpoq. Snowboard Park ukiut pingajussaat Norgemi snowboardertarfiit pitsaanersaatut toqqarneqarneqartoq, angalaqatigiit ittuat Ole Mark Sermitsiaq.AG'mut oqarpoq.

Ullumi sapaammi Batalion Session ingerlanneqassaaq taanna tapersersuisut unammisitsineraat. DM sapaatip akunnerata tulliani aallartissaaq unammersuarnissamullu neriuuteqartoqarluarpoq. Pingaartumik Rasmus Nielsen aamma Michael Damgaard angusarissaassangatinneqarput taakkua piffissami sivisuumi USA'mi sungiusareerput. Angalaqatigiit inersimasortaat tassaapput Rasmine Geisler, Henrik Strømsted aamma Ole Mark.

Powered by Labrador CMS