Iqaluit 50.000 koruuninik ikiorserpaat
Kalaallit Røde Korsiata siulersuisuisa Canadian Red Cross ullumi 50.000 koruuninik tunissuteqarfigaa
Nunavumi Iqalunni inissiarsuit, sanileriiaat 22-it sapaatiummat ikiuallannerisa kingorna Nunatsinnit Nunavumut aningaasanik ikiorsiisoqarpoq.
Kalaallit Røde Korsiat, Iqalunni ikuallattoqarujussuarneranit eqqukkat tapersersorniarlugit Canadian Red Cross 50.000 koruuninik tunissuteqarfigaa.
Ikuallattup kingorna inuit 50 pallillugit angerlarsimaffeerupput pigisatillu tamaasa annaallugit.
Ved branden blev op mod 50 personer hjemløse, og de mistede alle personlige ejendele.
- Ikiorsiissut Canadami røde kors - Red Crossinut nassiunneqassaaq. Taakku aamma aperineqarput atisanik nassinneqarnissaminnik pisariaqartitsinersut, tallimanngornermi marsip aappaanni Nuummit Iqalunnut timmisartumik ingerlanneqarsinnaasunik. Ajunaarnersuaqartillugu nunatsinnit nunanut allanut ikiuiniarneq Dansk Røde Kors aamma Red Cross International aqqutigalugit tamatigut ingerlanneqartarput.
- Pisumi matumani nunatta eqqaani inuiaqatittalu akornanni ajunaarnersuaqarnerani, nunatsinnit sukkanerpaamik ikiuuttariaqarneq aamma tutsiuttarpoq, taamaattumik Kalaallit Røde Korsiata assingusumik suliallit Canadian Red Cross isumaqatigiissuteqareerlutik toqqaannartumik attaveqarfigaa, Kalaallit Røde Korsiata siulittaasua Tove Blidorf oqarpoq.