Skip to main content

Mælkebøtten allilerpoq

Velux Fondenip millionilikkaanik Nuummi Mælkebøttenimut tunissuteqarneratigut meeqqat atugarliortut najugaqarfiat pilersinneqarpoq 

Villum Fonden, Velux Fondit aappaata Mælkebøtten 4,8 million koruuninik tapiiffiginikuuaa. Aningaasat Mælkebøttenip ineriartoqqinnissamik pilersaarutaanut, meeqqat inuusuttullu atugarliortut najugaqarfissaannik Ilasiamik pilersitsinermut atorneqarput. 

Najugaqarfik Ilasiaq meeqqanut inuusuttunullu inooqatigiinnikkut ajornartorsiuteqarneq pissutigalugu angerlarsimaffimminni najugaqarsinnaanngitsunut neqeroorutaavoq. Mælkebøttenimi najugaqarallartut ilaat aalajaatsumi toqqissisimasumillu  najugaqarfimmi najugaqarsinnaannerannik neqeroorfigineqarsinnaapput. 

Ilasiaq, Nuummi Nuussuarmi illumi angisuumi inissisimasoq meeqqanut sumiginnakkanut, atornerlunneqarsimasunut allatulluunniit artorsaateqartunut misigissutsikkut, ineriartornikkut inuttulluunniit inooqataanissamut ajornartorsiuteqartunut neqeroorutigaa. 

Meeqqanik sullissinermi nalinginnaasumik anguniarneqarpoq inooqatigiinnikkut eqqarsartaatsikkullu kingornussapalaat nungusarniarlugit inuuneq allanngortitsiniaaneq. Najugaqarfik angerlarsimaffinni inissiisarnernut meeqqallu angerlarsimaffiinut inissiisarnernut taputartuutitut atorneqassaaq.

 

Ulloq unnuarlu neqeroorut nuannaarutigaa 
Mælkebøttenip ningiuata Kirsten Ørgaardip Ilasiaq'p ammarneqarnera assut nuannaarutigaa.  

- Villum Fondenimit aningaasaliiffigineqarnerput nuannaarutigeqaarput, piffissami sivitsortumi Mælkebøttenimut attuumassuteqartumik najugaqarfeqalernissaa kissaatiginikuuarput, Kirsten Ørgaard oqarpoq.

- Meeqqanut inuusuttunullu sumiginnarneqarsimasut ulloq unnuarlu neqeroorutaavoq, inersimasut pikkussisut ilagalugit "ilaqutariit angerlarsimaffiattut" ittumi najugaqarnissamik pisariaqartitsisut inissaraat. Meeqqat Mælkebøttenimi inissinneqarallarsimasut, inooqataanermi pissusaat paasiniaaffigeriikkat Ilasiami najugaqartuussatut naatsorsuunneqarput. 

Namminersorlutik Oqartussat Mælkebøttenip ataani inissisimasussatut meeqqanit inuusuttunillu pingasunit 17-inut ukiulinnut arfinilinnit najugaqarfigineqartussatut akueraa.  

Villum Fondenip tunniussineratigut angerlarsimaffik piviusunngortinneqarpoq aamma ukiut marluk pallillugit ingerlatsinissamut. Tamatuma saniatigut Kommuneqarfik Sermersooq isumaqatigiissuteqarfigineqarpoq, Ilasiami inissinneqartussat pillugit. Najugaqarfimmi suliamik ingerlatsinermut tunngatillugu, meeqqat atugarisaat ineriartornerallu pinerullugit seniorforsker Else Christensen, SFI-meersumit nalilersorneqartassapput, taanna Danmarkimi atugarissaarneq pillugu ilisimatusarfimmeerpoq.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER