Skip to main content

Siulersuisuusimasut naggammeerput

Ilisimatusarfiup siulersuisui ukiuini sisamani atuutereersut marsip allaqqaataa nutaanik taarserneqarput

 

Siulersuisut, 2007-imi Ilisimatusarfik pillugu inatsit nutaaq atuutilersoq malillugu toqqagaasut siulliit, maluginiarpaat Ilisimatusarfiup Ilimmarfimmut nuunneqarnera tamatumunngalu ilagitillugu inuussutissarsiorfiusumik bacheloritut ilinniarnerit universitetimilu ilinniakkat ingerlareersut ataatsimoortilernerat maannamut naammaginartumik ingerlasimasoq, kisiannili universitetip ataatsimoortuulluni ingerlalernissaanut suliniutit suli naammassineqaqqajanngitsut.

IIaatigut inuussutissarsiorfiulersussanut ilinniarnerit, tassaasut ilinniartitsisumut, tusagassiornermut, peqqissaanermut inunnillu isumaginninnermut ilinniarnerit, ilisimatuussutsimik tunngavilerniarnerannik ineriartortitsinerup siunnerfilimmik anguniagaqarfiunissaa suli pisariaqartinneqarpoq.

Cand.mag. Tove Søvndahl Pedersen, Ilisimatusarfiup siulersuisut siulliit siulliit siulittaasuuffigai maannakkut ilisimatitsivoq siulersuisut nutaat suli tamakkerlugit inuttalerneqanngitsut. 

 

Taakkua saniatigut ilinniartitaanernik neqeroorutit amerliartornerat, Ilisimatusarfimmi ilinnialertartut amerliartornerat, ilinniartut maanaannaq unittartut ikiliartornerat taamaammallu aamma Ilisimatusarfimmi ilinniakkaminnik naammassinnittartut amerliartornerat siulersuisut nuannaarutigaat.

Siulersuisut tunualersut Ilisimatusarfimmi rektoreqarfik, qullersaasut allat kiisalu ilinniartut sulisullu aammalu Ilinniartitaanermut Ilisimatusarnermullu Naalakkersuisoqarfik ukiuni qaangiuttuni tatigeqatigiilluni suleqatigiinnermut qamannga pisumik qutsavigaat.

 

Tamatumunnga peqatigitillugu siulersuisut tunualersut siulersuisunngortussat, Naalakkersuisunit 1. marts 2012-imi toqqarneqartussat, Ilisimatusarfimmut qullersatut akisussaalluni oqartussaasutut suliaqalernissaanni angusilluarnissaannik kissaappaat.

Ilisimatusarfiup siulersuisui siulliit uani takuneqarsinnaapput .

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER