Skip to main content

Mâliâraq Vebæk toquvoq

Atuakkiortoq Mâliâraq Vebæk arfininngormat toqusoq 95-iliingajappoq

Mâliâraq Vebæk apriilip 20-ani 1917-mi inuusoq arfininngormat toquvoq.  

94-inik ukioqalruni. 

Københavnimi Gladsaxe Kirkemi tallimanngorpat nal. 13 ilisassaaq. Domprovsti soraarneq Emma Balslev Mâliâraq Vebækip jorngua ilisissaaq. 

Mâliâraq Vebæk Nanortallip eqqaani Narsaq Kujallermi inunngorpoq. Angajoqqaarai ajoqiuneq Hans Hoseas Josva Kleist (1879-1938) kiisalu Bolette Marie Ingeborg Chemnitz (1888-1957).

Mâliâraq Vebæk pillugu Dansk Kvindebiologisk Leksikonimi ilaatigut allassimavoq:

- 1981-mi Mâliâraq Vebækip (MV) kalaallini arnani siullersaalluni atuakkiorpoq taaguuteqartumik ”Búsime nâpinek” taannalu nammineq qallunaatuunngortippaa taaguuserlugu ”Historien om Katrine” 1982-mi. Atuakkiaa samit russillu oqaasiinut nutserneqarpoq arnarlu kalaaleq Katrine pillugu atuakkiaalluni, taanna qallunaamut håndværkerimut katippoq Danmarkimullu nuulluni. Tassani atugarliorpoq naggataagut imminut toqulluni. 

-Atuagaq kalaallinit atuartartunit soqutigineqarluarpoq kalaallisummi atuakkiorneq taanna tikillugu tassaanerusarsimavoq nunap piorsarnerani naalakkersuinikkut sakkutut atorneqartartoq. 

Arnanik naqisimanninneq sammineqarpoq
- MV’p atuakkiaa aamma naalakkersuinermik ilaqarpoq, kisianni pingaarnertut inuttaasut sallaannerullutik arnanillu naqisimanninnermik samminerulluni, kalaallit qallunaallu naapinneranni ajornartorsiutinut tunnganerulluni. 

- 1992-mi atuakkap nanginnera saqqummersippaa  ”Ukiut trettenit qaangiummata” (qallunaatut ”Tretten år efter”, 1997) pingasuusussutatut atuakkiani. Atuagaq taanna Katrinep paniata ajornartorsiutaannut tunngavoq, Danmarkimimi ammip qalipaataanik immikkoortitsiniarneq annertusiartoqpoq.  

- MV’p atuakkiaa arnanut tunngatinneqarpoq, 1990-milu ”Navaranaaq allallu" 1996-mi saqqummersippaa, arnat kalaallit oqaluttuarisaanerat pillugu. Tassani ilaatigut kalaallit arnat pillugit paasissutissiiginnarani aamma oqaluttuarai sassumap arnaanik oqaluttuaniit ullumikkut arnanut naalakkersuinermik suliaqartunut. 

Mâliâraq Vebæk kuissuteqarpoq Marie (Mâliâraq) Athalie Qituraq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER