Skip to main content

Inuiaqatigiinnik sullissineq aqqutissaavoq

Siumumiit Doris Jakobsen isumaqarpoq inuiaqatigiinnik sullissineq pinerluuteqaqqilernissamik piveersaartitsisinnaasoq  

Folketingimi inatsiseqarnermut ataatsimiitaliaani Folketingimi ilaasortap Doris Jakobsenip maluginiarsimavaa aamma Danmarkimi parnaarussivinni inissaqarniarneq ajornartorsiutaasoq. 

Tamatumunnga atatillugu justitsministeri Morten Bødskov maannakkut inatsisissatut siunnersuut  ”Pillaasarneq pillugu inatsimmut allanngortinnissaanik inatsit” saqqummiussimavaa.

Siunertarineqartoq tassatuaavoq eqqartuussisut inuiaqatigiinnik sullissinermik siusinnerusumut sanilliullugu amerlanerungaartunik eqqartuussisinnaanissaminnut periarfissinneqarnissaat. Imaluunniit siunnersuummut tunngavilersuummi oqaatsit atorneqartut atorlugit: “…inuiaqatigiinnik sullissinermik aaqqissuussap erseqqinnerusumik killiligaasumik annertusiineq…”

- Tunngavilersuummi tassani oqaatigineqartut malillugit qallunaat pinerluttunik isumaginnittoqarfiat annertuumik inissaaleqititsivoq, ilaatigut rockerit pinerlunniaqatigiit iluatsilluartumik iliuuseqarfigineqarnerat pissutaalluni. Tassalu aamma Danmarkimi pillakkanut inissaaleqititsineqarpoq. Uagutsitorluinnaq.

- Taamammat justitsminiterip maanna qaffaanissaq kissaatigaa: “…Inuiaqatigiinnik sullissinermi tiimit eqqartuussummut utaqqisitaasumut piumasaqaatitut annertunerpaamik aalajangiunneqarsinnaasut 240-niit 300-nut…”

Tamatumani naatsorsuutigineqarluni inuiaqatigiinnik sullissinerit atorneqarnerata annertusinissaa, ullumikkut kiffaanngissusiiaasarnerit sivisujaamik aalajangerneqar­taraluartut. Parnaarussivinni inissaaleqititsinerinnaq taamaaliornermut kisimi peqqutaanngilaq. Taamaaliorneqarpoq misissuinerit takutissimammassuk ikinnerusut pinerluuteqaqqittarsimasut, Doris Jakobsen oqarpoq.

Læs "Grønlændere skal blive i dansk fængsel"

Læs "Anstalten har spillet fallit"

Inunnik misissuinerit siusinnerusukkut

Inatsit Kalaallit Nunaannut atuutissanngilaq, uagutsinnimi tamatuma tungaatigut malittarisassat Kalaallit Nunaanni pinerluttulerinermi inatsimmi aalajangigaammata. Tassanilu 240 tiiminik amerlanerpaaffissatut suli aalajangiusimaneqarlutik, eqqartuussiviup pineqaatissiinermi inuiaqatigiinnik sullissineq toqqassappagu.

Inuiaqatigiinnik sullissinermik pineqaatissinneqartigani ”inuttut atugarisanik misissuineq” tunngavigalugu taamatut pineqaatissinneqarnissamut naleqquttuuneq naliliiffigineqaqqaassaaq, tassalu eqqartuussat imannak avatangiisimiinnut ulorianaateqanngitsut kisimik taamatut pineqaatissinneqarsinnaallutik. Kingusinnerusukkut ilaatigut KNR-imi oqallinnerup takutippaa tamanna qaqutiguinnaq pisartoq.

- Arlaleriarluni maani tusagassiuutitigut tusarliuttarpoq suliffeqarfiit inunnik inuiaqatigiinnik sullissinissamut eqqartuussaasimasunik sulisoqassallutik piareersimasut. Saaffiginnittoqarnerli ajorluni. Tassalu inissiisarfinniinnissamut utaqqisut amerliartuinnarlutik.

- Taamaattumik justitsministeri Naalakkersuisullu kajumissaassavakka Kalaallit Nunaanni unnerluutigineqartunut inuttut atugarisaannik misissuisarnerit annertunerusumik ingerlanneqartassasut, pineqaatissiissutinut utaqqisitaagallartunut atatillugu inuiaqatigiinnik sullissinerit atornerisigut pinerloqqinnissat pinngitsoortinneqarsinnaaqqullugit.

- Tamanna utaqqisorpassuarnik ajornartorsiuteqarnermut maannakkorpiaq iluarsiissutaanngilaq – siunissamili utaqqisoqarnerup pinngitsoortinniarneranut alloriarneruvoq  pitsaasoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER