Skip to main content

Qaqortumi aputip sisoornissaa annilaanngatigaat

Qaqortumi politiit mianersoqqussutigerusuppaat apummik sisoortoqaqqissinnaanera

- Qaqortumi politiit innuttaasunut mianersoqqussutigaat aput sisooqqissinnaammat, inuit Ringvejimi arsaattarfitoqqallu eqqaani angalasut mianersoqquneqarput.

Qaqortumi politiini vicepolitikommissær Erik Lynge Rasmussen taama nalunaarpoq. 

- Qaqqap sivingarna arsaattarfitoqqap eqqaaniittoq aperujussuarnerata kinguneranik apummik manngersumik pilersitsisimavoq qanoq pisoqariassappat qupisinnaavoq sivinganermillu sisuussaguni apummik sisoortumik nassataqassalluni. 

- Angajoqqaat piumaffigineqarput meeqqamik sivingarngup eqqaani angalaarnissaannik inertereqqullugit, Erik Lynge Rasmussen erseqqissaavoq. 

- Apummik sisoortoqarnissaanut sillimaniartut tassaasut qatserisartut, politiit aamma kommunip teknikkeqarnermut immikkoortortaaneersut illoqarfiup immikkoortortaani tamaani nalilersuipput apummik qaartitsisinnaaneq nalilersorumallugu.

- Aputip qaartillugu sisoortinneqarnissaa pisariaqassappat tamaani najugaqartut siumut kalerrisaarneqarnissaat oqaatigineqarpoq. 

Sapaatip akunnerata siuliani ataasinngornermi marlunngornermilu aput kingullermik Qaqortumi sisoorpoq. Inunnik ajoqqusertoqanngilaq taamaattorli illu Hastrupvejimiittoq apummit annertoorujussuarmik sisoortoqarneratigut iniminit illuartinneqarpoq illulu najugaqarfigineqarsinnaajunnaarluni aserorpoq.  

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER