Skip to main content

Politiit: Aput sisooqissinnaavoq

Ullaaq Qaqortumi aput sisooreermat politiit aarleqqutigaat sisoortoqaqqissinnaanera - illuni najugallit illoqarfimmi inininut allanut marlunnut qimarngunneqarput

Ullaaq Qaqortumi Hastrupvejimi aput sisoormat illu tunngavimminit illuartinneqarpoq qujanartumilli inunnik ajoqqusertoqanngilaq.

- Tamaani najugaqartut tamarmik allamut qimarngunneqarput soorunami nalugatsigu apummik suli sisoortoqaqqissanersoq. Qularutissaanngilarli aputip sisooqqissinnaanera apinikorujussuummat maannakkullu siallerujussuarluni, taakkulu imminnut akuleruunnerisa kingorna Hastrupvejimi qaqqamit aput sisoorsinnaavoq, Qaqortumi politiit ittuat Bent Ole Kleist nassuiaavoq.

- Politiit erseqqissaatigaat apummik sisoortoqaqqissinnaanera aallerinartoq. Arsaattarfitoqqap eqqaa aamma alapernaaserparput, tamaani najugallit aamma qimarngunneqarput.

Aputip sisoorneranit illu ataaseq aseruippoq, tamanna nal. 8.30 pivoq. Politiit ilisimatitsinerat naapertorlugu illunik allanik ajoqqusertoqanngilaq.

 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER