Ilaqutariit nuannarisaasut

Ilaqutariit nuannarisaasut pingasunngornermi inuunerannik arsaarneqarput angutip inuusuttup kaattamik atortulerluni silaarunneranit

Arfininngornermi Nutaarmiuni toqutaasut eqqaaniarlugit naneruutinik ikitsisoqarpoq.

Arnaq 75-inik ukiulik nunaqarfimmioqatimit nuannarineqaqaaq. Ilaqutariit kateriffigaat arnaq nuannaartuaannartoq qungujulasorlu. Qimatarai meeqqani arfineq-marluk, ernutarpassuit ernutaqqiutillu. Meeraasa arfineq-aappaat arnaq 31-nik ukiulik toqutaasut aapparaat. Taanna innarluuteqarpoq pisunneq oqalunnerlu ajornartorsiutigalugit.

Taassuma pingasunngornermi ullaakkut nassaarineqarami panini arfineq-pingasunik ukiulik tutippaa.

Arlaannaalluunniit toqqutissamik anaaneqarnerminnit illersoriarsinnaasimanngillat. Tamarmik siniffimminni nalapput soorluli siniinnartut.

Ilaqutariit ittuat angut 81-nik ukiulik Rigshospitaliliaanneqaramili suli ilisimmanngilaq. Kingorna niaqqumigut iluatsilluartumik pilattarneqarpoq. Tusakkat kingulliit naapertorlugit sapaammi Rigshospitalimi sulisunit itertinniarneqassaaq. Ilisimaneqanngilaq ullaami ilaqutami kaatamik toqorarneqarnerannit qanoq eqqaamasaqartiginersoq.

Toqutaasut assingi facebookimiipput uani takuteqqusaannginnatsigit.

Uani takuneqarsinnaapput http://www.facebook.com/media/set/?set=a.107427859377417.9502.100003306106433&type=3

Powered by Labrador CMS