Skip to main content

Aleqa aalisarneq aarlerinartorsiorsoraa

Ane Hansenip Aleqa eqqissisarpaa oqarluni allaffissornermi inatsisit ajornaviannginnerarlugit 

Siumup siulittaasua Inatsisartunut ilaasortaq Aleqa Hammond ernummatigaa aalisarnermut inatsimmi novemberimi 2011 allanngortitsinerup kingunerisaanik allaffissornikkut naleqqussaanissaq. Allanngortiterinerup nassataanik aalisartut nipisanniartartut suannillu tuniniaasartut eqqorneqarsinnaanersut. Tamatuma saniatigut paasersusuppaa qilalugarniartartunut allanngortitsineq qanoq sunniuteqassanersoq.

Aalisarnermut, piniarnermut nunalerinermullu naalakkersuisoq Ane Hansen (IA) ilisimatitsivoq, Aleqa Hammond ernumassutissaqanngitsoq. Isumagineqareermata.  

Naalakkersuisut nalunaarutit marluk akuersissutigeqqammerpaat aappaa sinerissap qanittuanit qaleralinniarneq aamma aalisarnermut akuersissutit pisassiissutillu pillugit nalunaarut februaarip arferngani 2012 atuutilersut.

Ane Hansen nassuiaavoq: Nalunaarutini siullertut anguniarneqarpoq aalisarnermik inuussutissarsiuteqartut pisuussutsinut pissarsiarineqarsinnaasunut naleqqussarneqarnissaat. Tullertut aalajangersakkani nutaani sinerissap qanittuani qaleralinniarnermi inuit ataasiakkaat pisassiissutinik tuniniaasinnaanissaannik eqqussinissamut tunngaviupput. Inunnut ataasiakkaanut pisassiissutinik tunniussisarnerup eqqunneqarnerata kingunerissavaa pisassiissutit ilaat taarsigassarsinermut qularnaveeqqutitut atorneqarsinnaassammata, taamaaliornikkut inuussutissarsiortut aningaasanik pisariaqartinneqarnerpaanik pissarsisinnaassammata, aningaasallu taakku aalisartut namminneerlutik aalisariutinik nutarterinissaannut atorneqarsinnaassammata. Aalisartut aalisarnermik ingerlataqartut illersorniarlugit allannguuteqartitsinissaq aamma pisariaqarsimavoq, taamaaliornikkut aalisartut siunissaq ungasinnerusoq eqqarsaatigalugu suliffeqarfinnik aningaasatigut imminut napatissinnaasunik pilersitsisinnaassammata, Ane Hansen allappoq.

Ane Hansen erseqqissaatigaa aalisarnermik inatsimmik allanngortitsineq aallaaniarnermik inatsimmik kalluaanngitsoq. 

Nipisaat suannut apeqquteqaat pillugu Ane Hansen, oqarpoq nipisanniarneq pillugu nalunaarut  allanngorsimanngitsoq. 

- Apeqqutigisanni nipisat suaannik tunisisarneq innersuussutigineqarpoq. Nalunaarut taanna aalajangersakkani ukiakkut ataatsimiinnermi aalisarnermut inatsimmi allanngortinneqartuni tunngaveqanngilaq. Nipisanniarneq pillugu nalunaarut taamaalilluni allanngorsimanngilaq, aalisartullu nipisanniarnermut akuersissutitik imaluunniit piniarnermut allagartatik atorlugit nipisap suaannik tunisisinnaajuassapput, Ane Hansen naqissusiivoq ilanngullugu oqarluni Aalisarnermut, Piniarnermut Nunalerinermullu Naalakkersuisoqarfiup inatsisinik allanngortitsinissap qanoq pisariaqartinneqartiginera ingerlaavartumik nalilersortassavaa, tassunga ilanngullugit nalunaarutit. 

Qilalugarniarneq aalisarnermut inatsimmut ilaanani Piniarneq aallaaniarnerlu pillugit Inatsisartut inatsisaannut nr. 12, 29. oktober 1999-imeersumut 

Aammattaaq Ane Hansenip Aleqa Hammondimut erseqqissaatigaa, Qilalugarniarneq aalisarnermut inatsimmut ilaanani Piniarneq aallaaniarnerlu pillugit Inatsisartut inatsisaannut ilaammat.

- Taamaammat Piniarneq aallaaniarnerlu pillugit Inatsisartut inatsisaat allanngortinneqarsimanngimmat aallaaniarnermut uppernarsaatinik tunniussisarnerni imaluunniit piniarnermi allamut tunngassuteqartuni allaffissornikkut naleqqussaanissaq pisariaqassanngilaq, Ane Hansen naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER