Skip to main content

Oqaluffik nukittorsarli

Ruth Heilmann, Siumut siunnersuutigaa Nuummi nutaamik oqaluffiliortoqassasoq paasersulluguttaat Maniitsumi palasi februaarip naanerani atorfimminit tunuarpat qanoq taarserniarneqassanersoq 

Paragraf 37 aqqutigalugu Inatsisartunut ilaasortaq Ruth Heilmann naalakkersuisunut nutaamik apeqquteqaateqarpoq oqaluffiit qanoq nukittorsarniarneqarnersut.

Ilaatigut  naalakkersuisunut apeqquteqaatigaa Nuummi nutaamik oqaluffiliortoqarnissaanut sulissutiginninnersut 

Ruth Heilmannip ilaatigut apeqqutigaa ukiorpaalunni Nuummi oqaluffittaarnissamik pilersaarutaasoq Naalakkersuisunit sulissutigineqarnersoq imaluunniit naalakkersuisut eqqarsaatersuutigineraat illoqarfiit pingaarnersaanni oqaluffiit pioreersut allilerniarneqarnersut.

Apeqquteqaatini tunngavilersorlugu ullumikkut Nuuk 17.000-t inulik oqaluffeqarnikkut assut ajornartorsiorpoq, Naalagiat ilaanni allaat inissaaruttarlutik. Oqaluffimmik nutaamik pilersitsivigineqarnissaat pisariaqalivissoq malunnarluarpoq, Ruth Heilmann oqarpoq.

Siumumeersoq isumaqarpoq ilagiinni sulineq annertuumik nukittorsartariaqartoq aammalu palasissaaleqineq qanoq iliuseqarfigisariaqartoq. 

Tamanna tunngavigalugu Ruth Heilmann naalakkersuisut ullumikkut siunissamilu ilageeqarnerup  nukittorsarnissaa eqqarsaatigalugu qanoq iliuseqalersaarnersut.

 

Maniitsoq palaseqanngitsoq

Desuden vil hun gerne vide, hvad man vil gøre ved den store præstemangel i Grønland. Ruth Heilmann peger specifikt på, at Maniitsoq kommer til at stå uden præst fra 1. marts.

Ilanngullugu paaserusuppaa Nunatsinni palasissaaleqineq assut ilagiinnut erloqisitsisoq tusartualerlugu Naalakkersuisutigoortumik qanoq ilinniartitaanikkut aaqqiiffigineqarnialersaarnersoq paaserusunnarsivoq, ilanngullugu tikkuarpaa Maniitsumi marsip aallaaqqaataanit palaseqarunnaarnissaa.

Ruth Heilmann aamma paaserusuppaa palasissanik immikkut ilinniartitsineq siornatigut atorneqarsimasoq aammalu ullumimut iluaqutaasumik kinguneqarsimasoq atorlugu palasinik amigaateqarnerujussuup  aaqqiiffigineqarnissaa aqqutaasinnaasut ilaattut isumaqarfigineqarpa.

Apeqqutini tunngavilersorlugu Kalaallit Nunaanni palasissaaleqinermik oqaatigineqartartut.

- Nunatsinni palasissaaleqineq assut ilagiinnut erloqisitsisoq tusartualerlugu Naalakkersuisutigoortumik qanoq ilinniartitaanikkut aaqqiiffigineqarnialersaarnersoq paaserusunnarsivoq, Ruth Heilmann oqarpoq.

- Palasit ullumikkut pigisavut annertuumik sulerulutsitaasut ersarittorujussuuvoq, Illoqarfiit ilaanni marluusussaagaluarlutik ataasiinnaagaangamik ingammik aamma palasit ulapingaaramik nunaqarfinnulluunniit angalanissaminnut nukissaalatsisartut ilisimavarput. Ajoqinut ilatigullu aamma ilagiinnut sinniisaasut taamaalillutik aamma sulerulunnerannik kingunerluuteqartartoq nalunngilarput. Pattattussaaleqisarnermi aamma piummat ullutsinni. 

- Aammalu Maniitsumi palasi februarip naaneranut soraalersoq nalugatsiguluunniit qaqugu taarteqassanersoq, Ruth Heilmann naggasiivoq.


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER