Nunarput minutsini marlunni uninngavoq
Nutaarmiuni toqutsinerit kingorna amerlasuut misiginneqataanertik takutippaat
Annonse
Pisortat allaffiini, pisiniarfinni ingerlatsivinnilu ulloq ulapiffiusoq minutsini marlunni unitsinneqarpoq.
Upernaviup avanaanni nunaqarfimmi Nutaarmiuni toqutaasut pingasut qimataannut misiginneqataaniarluni Nunatsinni pisortat nalunaaqutaq 12.00-imiit minutsini marlunni nipangersimanissamik kajumissaarutaat amerlasuut malippaat.
Assersuutigalugu Nuummi Brugsenimi, pisiniat ulapikkaluit ullo´qeqqasiutissarsiniartut, kajumissaarut ataqqivaat.
Taamatuttaaq Grønlandsbankip qullersaqarfiani, tassani aningaaserivimmukartut karsini kinguleriiaartut nipaallutik uninngallutik.