Skip to main content

Oqaatsinut inatsit nutaaq takujuk

Oqaatsit pillugit Inatsisartut inatsisaat nutaaq aggustip aallaqqaataa atuutilissaaq. Oqaatsinik inatsimmik naammassinninngitsut akiligassinneqartalissapput

Oqaatsit pillugit inatsit nutaaq piumasaqaatitaqaqisoq atuutilissaaq.

Inatsisartut inatsisaat nr. 7 maajip 19-ianni 2010-meersup allanngortinnissaanut qulequttat pingaarnerit tassaapput, ussassarutini, pilerisaarinerni aamma innuttaasunut paasissutissiinerni kiisalu isumaqatigiissutini inatsisitigut qilersuisussani, kalaallisut oqaatsit atorneqarnissaat inatsisitigut piumasaqaataalissaaq. 

Ilaqutariinnermut, Kulturimut, Ilageeqarnermut Naligiissitaanermullu Naalakkersuisoqarfiup maluginiaqquaa, allannguutissatut siunnersuummut oqaaseqaaatit ilaallu ilanngullugit naalakkersuisoqarfimmut kingusinnerpaamik marsip 13-ianni apuutereersimassasut. Pisortaqarfik attavigineqassaaq IKINN@nanoq.gl imaluunniit IKINN, postboks 260, 3900 Nuuk.

Oqaatsinut politikki pillugu Inatsisartut inatsisaat nr. 7, 19. maj 2010-meersoq pillugu imatut allannguisoqarpoq: 

§ 1

 

1. Kapitali 2-mi § 3 sioqqullugu immikkoortutut nutaatut inissinneqassaaq:

“Oqaatsinik atuineq ataatsimut isigalugu”

Tamatuma kingorna qulequtaq “Oqaatsinut politikki” peerneqarpoq. 

 

2. § 4-p kingornanut immikkoortutut nutaatut inissinneqassaaq:

“Pilerisaarinermi oqaatsit

   § 4a.  Namminersorlutik ingerlatsisut aamma pisortat ingerlatsivii pisortatullu oqartussaasut  innuttaasunut allakkatigut oqaatsitigullu ussassaaruteqarnerat, pilerisaarinerat aamma allagartalersuisarnerat kalaallisut suliarineqassapput.

  Imm. 2.  Danskit oqaasii, tuluit oqaasii allamiulluunniit oqaasii imm.1-mut tapertatut atorneqarsinnaapput. 

  Imm. 3.  Ussassaarineq pilerisaarinerlu imatut paasineqassapput suliffeqarfiit pisortallu nioqqutissanik aammalu kiffartuussinermik sullissinermillu tunisinerat aamma nalinginnaasumik pilerisaarineq. Aalajangersakkamut ilaanngillat pisiassat nunanit allanit tikisinneqartut puumik qaavatigut allagartaat, pisiassat qanoq atorneqarnissaannut ilitsersuutit, oqaasinnaat, suliffeqarfiit aqqi assigisaallu.

  Imm. 4.  Allagartalersuineq imatut paasineqassaaq nalinginnaasumik allagartalersuineq, aqqusinermi allagartalersuineq, paasissutissanik allattarfiit, allagartarsuit, ilisarnaatit atorlugit ussassaarutit assigisaallu digitalimik allagartalersuineq umerussat isiginnaarutit seqersittaatillu atorlugit ingerlaartut ilanngullugit.”  

 

3. § 4a-p kingornanut immikkoortutut nutaatut inissinneqassaaq:

“Innuttaasunut atuisunullu allakkatigut saaffiginnissutit 

 

 

§ 4b.  Innuttaasunut allakkatigut toqqaannartumik saaffiginnissutit tamarmiusut namminersorlutik ingerlatsisut, pisortat ingerlatsivii pisortatullu oqartussaasut tamarmik kalaallisut allanneqassapput. 

  Imm. 2  Imm. 1 atuutissanngilaq innuttaasup erseqqissumik nalunaarutigippagu danskit oqaasii atorniarlugit. Taamatut nalunaaruteqarneq pisortanut suliffeqarfinnullu pituttuisuuvoq, taakkualu aningaasartuutissat aamma akisussaaffigivaat.   

  Imm. 3.  Namminersorlutik ingerlatsisut, pisortat ingerlatsivii pisortatullu oqartussaasut nalinginnaasumik paasissutissiinerat aammalu qaammarsaanerat kalaallisut suliarineqassapput. Danskit oqaasii tapertatut atorneqarsinnaapput.”

 

4. § 4b-p kingornanut immikkoortutut nutaatut inissinneqassaaq:

”Isumaqatigiissutit inatsisitigut pituttuisut”

  § 4c.  Innuttaasut ataasiakkaat aamma namminersorlutik ingerlatsiviit, pisortat ingerlatsivii pisortatullu oqartussaasut akornanni inatsisitigut pituttuisumik isumaqatigiissuteqarnerat, tassani ilaapput isumaqatigiissummi atugassarititaasut, kalaallit oqaasii atorlugit suliarineqassapput.

 Imm. 2.  Imm. 1 atuutissanngilaq innuttaasup erseqqissumik nalunaarutigippagu danskit oqaasii atorniarlugit. Taamatut nalunaaruteqarneq pisortanut suliffeqarfinnullu pituttuisuuvoq, taakkualu aningaasartuutissat aamma akisussaaffigivaat.   

 Imm. 3. Isumaqatigiissut arlariinnik oqaasertaqartinneqarpat, isumaqatigiissutigineqarnerani oqaatsit atorneqarsimasut atuutissapput.”  

5.  § 7 imatut oqaasertaqalissaaq:

”§ 4, imm. 1 aamma 3, § 4a, imm. 1 aamma § 4b, imm. 1, 3 aamma 4-mik unioqqutitsineq akiliisitaassutigineqarsinnaavoq.”

  Imm. 3. Inatsisartut inatsisaat manna malillugu akiliisussanngortitsisoqarpat aningaasat nunap karsianut nakkartinneqassapput.”

§ 2

Inatsit 1. august 2012 atuutilerpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER