Partiit inuusuttaasa tipsimit tapisiaat
Mimi Karlsen, nalakkersuisunut ilaasortap partiit inuusuttaannut tapit tamanut takutippai
Partiit inuusuttaasa tipsernermit aningaasaateqarfimmit pissarsiarisartagaat paasiniarlugit ukiumut nalunaarutini ujaasisoqarsimavoq, Andreas Uldum, Demokraatinit apeqqutigisai akissutissarsiniarlugit. Ilaasortat allattorsimaffii, ilaasortaqassuseq aammalu tipsernermit aningaasaateqarfimmit tapiissutit pillugit apeqqut akissutissarsiniarlugu.
Naalakkersuisut ilaasortat allattorsimaffiinik tunniussisinnaatitaanngillat ilaasortat ataasiakkaat illersorneqarnissaat pissutigalugit.
Assimi qulaaniittumi kisitsisini takuneqarsinnaavoq Siumut Inuusuttai amerlanerpaanik aningaasannatsinneqarsimasut, Demokraatilli ukiuni 2008, 2009 aamma 2010 sunnassimanngitsut.
Aamma takuneqarsinnaavoq Siumut Inuusuttaani ilaasortat 2009-mit 2010-mut ikileriarujussuarnerat – ilaasortanit 263-init ilaasortanut 69-inut.
Inuit Ataqatigiit inuusuttaanni ilaasortat taamaaginnarput 2009-mi aamma 2010-mi 41.
Atassutip Inuusuttami ilaasortai 26-usut nalunaarutigai, Demokraatit 29-nik ilaasortaqarnerartut.
Mimi Karlsen nassuiaavoq, partiit inuusuttaat tapiissutinik pissarsisimannginnerat itigartitsinermik tunngaveqartariaqanngitsoq. Ukioq taanna imaassinnaavoq tipsernermit aningaasaateqarfimmut qinnuteqarniaratik aalajangersimasut.
Ilaasortat amerlassusaat, allattorsimaffii aamma ilaasortaanermut akiliutinik uppernarsaatit suliamut atatillugu partiit inuusuttaannit nassiunneqarsimapput. Ilaasortat akiliutaat tamani, ukiunut ukununnga atuupput 2008/09/10.
Ukiut tamaasa qinnuteqarfissaq kingulleq decembarip 15-iat, taamaammat ilaasortat allattorsimaffiat 2009-meersoq 2010-mi atuuppoq.
Aalajangiisoqassatillugu Sorlaap iluani tipsernermut aningaasaateqarfimmut immikkut ataatsimiititaliaqarpoq. Ilaasortaq ataaseq tipsernermut aningaasaateqarfimmi ataatsimiititami ilaasortaasoq, suliniaqatigiiffimmut qinnuteqartumut attuumassuteqartillugu qinnuteqaatip suliarineqarnerata nalaani ataatsimiiffimmit anisarpoq, imminut sullinneq pinaveersinniarlugu.
Nuna tamakkerlugu meeqqanut inuusuttuaqqanullu suliniaqatigiiffiit ingerlatsinerannut aningaasaliisoqartillugu agguataarineq imaattoq atorneqartarpoq.
Nuna tamakkerlugu suliniaqatigiiffiit peqatigiiffiillu ataasiakkaanik ilaasortallit
1 15-24 ilaasortat Kr 20.000,00
2 25-34 ilaasortat Kr 25.000,00
3 35-44 ilaasortat Kr 30.000,00
4 45-54 ilaasortat Kr 35.000,00
5 Over 50 ilaasortat Kr 40.000,00
Nuna tamakkerlugu suliniaqatigiiffiit peqatigiiffiillu ilaasortaat suliniaqatigiiusut/immikkoortortaqarfillit
1 2 Suliniaqatigiiffiit/ peqatigiiffiit Kr. 20.000,00
2 3 Suliniaqatigiiffiit/ peqatigiiffiit Kr. 30.000,00
3 4 Suliniaqatigiiffiit/ peqatigiiffiit Kr. 40.000,00
4 5 Suliniaqatigiiffiit/ peqatigiiffiit Kr. 50.000,00
Suliniaqatigiiffimmut peqatigiiffimmulluunniit tallimanit amerlanernik immikkoortortalimmut
1 6-9 Kr.5.000,00
2 10-14 Kr.2.000,00
3 15-19 Kr.1.000,00
4 20-xx Kr. 500,00
Suliniutinut tapiissutit tipsernermit angingaasaateqarfimmi ataatsimiititaliamit ataasiakkaarlugit nalilerneqartarput.