Skip to main content

Sulorarluni marlukkaarnermi kingumut ajugaaneq

Jens Frederik Nielsen sapaatit akunneri aappassaani ajugaaniutivinnermi ajugaavoq - tamatumuuna Tina Arentzen peqatigalugu

Kalaallit sulorallammattaat Danmarkimi najugallit marluk siuariartorput A-rækkemullu inissinneqarlutik. Taamaattoq arfininngornermi ualikkut Herlevimi ataasiakkaarluni unammiuaarnermi ajorsarput.

- Kisimiillunga Albert Navarromut unammigama sæt'it pingajuanni ajorsarpunga. Unammineq sakkortooq nal. ak. ataaseq sinnerlugu sivisussusilik. 21-15, 16-21, 15-21-mik ajorsapunga. Albert Lyngbymi ilaasortaavoq Minorcaminngaanneersuulluni, siorna aasakkut Island Games peqataffigigamiuk Bror Madsenimut unammivoq, Jens Frederik Nielsen oqarpoq.

Taatsiannguaq Pedersenip Niels-Petter Lillelund, Lyngby unammilluartorujussuuaa. Sæt'imi siullermi 24 - 26-mik ajorsarpoq unammilluaqaluni. Ajoraluartumik sæt'ip aappassaani iluamik ingerlalinngitsoorpoq. 0 -8-mik kinguarpoq, sæt'ilu 12 - 21-mik ajorsarfigalugu.

- Danmarkimi unammiuaarnerni rækkeni marlunni kisiat peqataasinnaavugut. Taamaammat angutini marlukkaarluni unammineq peqataaffiginngilarput, uangali nammineq klubbinnit B-70 Tåstrup,   akuleriinni Tina Arentzen unammeqatigalugu. Akuleriinni B-stævnemi ajugaavugut. Semifinalemi Herlevimeersunut unamminerput sakkortoqaaq, taakkua siornatigut ajugaaffigereernikuuaatigut. 

- Pissartanngorniunnermi Frankrigimeersut naapippagut 21 - 12, 23 - 21-mik ajugaallualaavilluta. Taatsi Farumimeersoq unammeqatigaa unammilluaqaluni. Taakkuali ajoraluartumik Herlevimeersunut ajorsarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER